Վարդան Ջհանյանը ներկայացրել է Հայաստանի հնարավորությունները կրիտիկական մետաղների համաշխարհային շուկայում

Հայաստանի հանքարդյունաբերության և մետալուրգիայի ասոցիացիայի նախագահ, ԶՊՄԿ գլխավոր տնօրենի առաջին տեղակալ Վարդան Ջհանյանն #ArmeniaMiningForum-ին հանդես եկավ պրոֆեսիոնալ ելույթով՝ նշելով, թե ինչ կարող է Հայաստանն առաջարկել կրիտիկական մետաղների համաշխարհային արդյունաբերությանը։

Նա շեշտեց հանքարդյունաբերության կարևորությունը Հայաստանի տնտեսության համար, ներկայացրեց խնդիրները, առաջարկեց լուծումներ և մատնանշեց արդյունավետ գործունեության ուղիները։

ՀՆԱ-ում մասնաբաժնի ռեկորդ. 2026 թվականին հանքարդյունաբերության ուղղակի մասնաբաժինը Հայաստանի ՀՆԱ-ում կհասնի ռեկորդային ցուցանիշի՝ անցնելով 5%-ի շեմը։

Ոլորտի ռեպորտային աճ. Մինչ երկրի ընդհանուր տնտեսական աճը 2026-ին կանխատեսվում է 6,7%, հանքարդյունաբերության ոլորտը գրանցելու է աննախադեպ 21,5% աճ։

Երկարաժամկետ ազդեցություն (2026–2027թթ.). 2027 թվականին ոլորտն ապահովելու է ՀՆԱ-ի ընդհանուր ծավալի մոտ 11%-ը, ինչը պայմանավորված է մի քանի նախադրյալներով, որոնցից առաջնայինը Ամուլսարի հանքավայրի շահագործումն է։

50% նվազում. 2015 թվականի համեմատ Հայաստանում երկրաբանահետախուզական աշխատանքների ծախսերը նվազել են շուրջ 50%-ով։

Միջազգային համադրություն. մինչ Ավստրալիայում և Կանադայում այդ ծախսերն աճել են, Վարդան Ջհանյանը ներկայացրեց միջազգային համեմատական վերլուծություն (Ուզբեկստան, Ավստրալիա, Կանադա, Ֆինլանդիա, Չինաստան, ԱՄՆ, Սաուդյան Արաբիա, Ռուսաստան, Ղազախստան, Ադրբեջան, Թուրքիա)։

Վերջին տեղը. մեկ քառակուսի կիլոմետրի հաշվով երկրաբանական հետախուզման ծախսերի ցուցանիշով Հայաստանը վերջին տեղում է դիտարկված երկրների շարքում։

Աշխատանքային խմբի ստեղծում. ՀՀՄԱ-ն և ՀՀ ՏԿԵՆ-ը ստեղծել են աշխատանքային խումբ՝ երկրաբանական հետախուզման և միջազգային ստանդարտների ներդրման հարցերով։

Կայուն զարգացման ճյուղային ստանդարտներ. մշակվում են կայուն զարգացման պարտադիր չափորոշիչներ, որոնք պետք է պարտադիր լինեն Հայաստանում գործող բոլոր հանքարդյունաբերական ընկերությունների համար։

Ռեսուրսների լիարժեք օգտագործում. Հայաստանը չպետք է սահմանափակվի միայն համաշխարհային շուկայում բարենպաստ գներից օգտվելով, այլ պետք է ապահովի նոր պաշարների հաստատում և պատասխանատու շահագործում։

Վարդան Ջհանյանի պրեզենտացիան, որում տվյալներն ու մեկնաբանությունները կարևորագույն գործոն են ոլորտի բարեփոխուների համար՝ ռազմավարական, օգտակար շեշտադրումներով, ներկայացնում ենք տեսանյութում։