Աշխարհի ամենախելացի և գեղեցիկ ուսուցիչներն ապրում են Զապորոժիեում. Արտաշես Սարգսյան (լուսանկարներ)

Մայիսի 17-18-ին, Զապորոժիեում անցկացվեց Ուկրաինայի հայերի միության կրթական նախագծերի շարքին պատկանող՝ կրթության 9-րդ համաժողովը, որի ընթացքում ավելի քան 30 ուսուցիչներ պարգևատրվեցին պատվոգրերով: ԶՄՀՄ շքանշանին արժանացան ԿՀ նախագահ Արաքսյա Հասրաթյանն ու « Նարեկ» հայկական դպրոցի տնօրեն Նաիրա Թութունջյանը:

Ժողովի ընթացքում ամփոփվեցին ամենամյա շարադրության արդյունքները և պարգևատրվեցին հաղթողները, ընդունվեց ավարտական վկայականի վերջնական տարբերակը և կատարվեց «Պատերազմը, որ փոխեց Ռոնդոն» (թարգմանիչ՝ Ռ. Մկրտչյան) գրքի շնորհանդեսը: Ամփոփվեց 2018-19թթ. ուսումնական տարվա աշխատանքները։

Հաջորդ օրն անցավ ավելի ջերմ մթնոլորտում. անցկացվեց շրջագայություն զբոսանավով, այնուհետև հյուրերը ծանոթացան Խորտիցա կղզու և կազակների պատմության հետ։ Զապորոժիեի Ս. Աստվածածին եկեղեցում կատարվեց ուսուցիչների օրհնություն և օրն ավարտվեց դպրոցում, աշակերտների գեղեցիկ ելույթով։

Մասնակիցները իրենց խորին երախտագիտությունը հայտնեցին ԶՄՀՄ նախագահ Արտաշես Սարգսյանին, փոխնախագահ Ռուդոլֆ Հակոբյանին, ՀԱԵ քահանա Տեր Հուսիկին, սիրելի ուսուցիչներին և համայնքի անդամներին աջակցության համար։

շարունակությունը այստեղ