ՍԴ նախագահի լիազորությունները դադարեցնելու գործառույթը պատկանում է ՍԴ-ին, ԲՀԿ-ն ճիշտ դիրքում է

Լիլիթ Ալավերդյանը գրում է՝

Այսօր Ազգային Ժողովի հերթական քառօրյայի ընթացքում օրակարգային հարցերից մեկը ՍԴ նախագահ Հրայր Թովմասյանի լիազորությունները դադարեցնելու <<Իմ Քայլ>> խմբակցության նախագիծն էր, ինչի կապակցությամբ լրագրողները իրենց հարցերը ուղղեցին ԲՀԿ առաջնորդ Գագիկ Ծառուկյանին: Այս հարցի վերաբերյալ Գագիկ Ծառուկյանը շատ հանգամանալից կերպով արտահայտեց ԲՀԿ-ի դիրքորոշումը, մասնավորապես նշելով, որ տվյալ նախագծի իրավաբանական հիմնավորումները շատ թերի են, որոշակի ժամանակացույցեր են խախտված, դրանք են հիմնական պատճառները, ինչի հետ էլ կապված ԲՀԿ-ն կայացրել է նախագծի քվեարկությանը չմասնակցելու որոշում: Ծառուկյանը հայտնեց որ խմբակցությունը չի մասնակցելու այդ քվեարկությանը, քանի որ նախագծում իրավական հեռանկարներ բացարձակ գոյություն չունեն: Սա շատ հստակ ընդգծված իրավական հիմնավորմամբ որոշում էր ԲՀԿ-ի կողմից , որը ոչ մի անձով չի պայմանավորվում և չի էլ կարող դրա մասին խոսք լինել, քանի որ ժամանակին ԲՀԿ-ն դեմ է քվեարկել Հրայր Թովմասյանին ՍԴ նախագահի պաշտոնին առաջադրելու որոշմանը: