Ահա, թե իրականում ինչպես են պատրաստում բոլորի սիրելի չիփսերը

Երեխա ժամանակ ինձ միշտ տանջում էր հարց, թե ինչու են Pringles տուփի բոլոր չիփսերը նույն իդեալական ձևի:

Չէ՞ որ կարտոֆիլները տարբեր են լինում:

Մեծանալով՝ հասկացա, որ դրանք պատրաստվում են ոչ ամբողջական կարտոֆիլից, դրանց բաղադրությունն ազնվորեն նշված է տուփի վրա:

EnterTrain-ը ներկայացնում է տեսանյութ, որը հաստատում է սա:

Պարզվում է՝ նախ ապագա չիփսերի համար խմոր են պատրաստում:

Դրա պատրաստման համար պետք է հատուկ փոշի, որը բաղկացած է աղացած ջրազրկված կարտոֆիլից (դրա մասը կազմում է 42%), եգիպտացորենի և բրնձի ալյուրներից, ցորենի օսլայից:

Փոշին խառնում են սովորական ջրին 2:1 հարաբերակցությամբ:

Այդ խառնուրդը հասնում է հոսքագծի գոտի, որտեղ մի քանի անգամ խառնվում է և մաղվում է հատուկ ճաղավանդակներից, մինչև համասեռ զանգված ստացվի:

Չիփսերի խմորն ընկնում է մամլիչի տակ:

Հսկայական գլանը զանգվածը սեղմում է 4 տոննա ուժով, կարտոֆիլի-օսլայի զնագվածը վերածվում է պլաստիկ շերտի:

Հաջորդ ժապավենի վրա ամրացված են հատուկ ձևեր, որոնք խմորը կտրտում են շրջանաձև:

Այդ պատճառով տուփի բոլոր չիփսերը նույնանման կլինեն:

Հետո կտրտված կլորներն ազատվում են ավելորդ խմորից, որն ուղարկվում է կրկնակի վերամշակման, մանրացվում է և խառնվում թարմ խմորին:

Ապագա չիփսերը հայտնվում են հատուկ կիսակլոր ակոսիկնեի մեջ, որտեղ ստանում են վերջնական ձևը:

Հետո ապագա չիփսերը հասնում են մեկ այլ հոսքագիծ, որտեղ դրանց վրա համեմունքներ են ցանում:

Այս բոլոր պրոցեդուրաներից հետո չիփսերը պատրաստ են օգտագործման համար:

Հիմա դրանք պետք է միայն փաթեթավորել:

Վերջին փուլում հատուկ աշխատակիցը ստուգում է, որ բոլոր չիփսերը համապատասխանեն բոլոր արտաքին պարամետրերին և հետևում է, որ դրանք հավասարաչափ դասավորվեն հոսքագծի վրա:

Կշռող մեխանիզմն ավտոմատ կերպով որոշում է՝ քանի չիփս պետք է լինի յուրաքանչյուր փաթեթի մեջ, հետո չիսփերը լցվում են մեզ ծանոթ ամանների մեջ:

Երբ չիփսերն ամանների մեջ են, հատուկ մեքենան խփում է փաթեթների կափարիչներին, որպեսզի բոլոր չիփսերն իրենց տեղը զբաղեցնեն և հավասար դասավորվեն: