Կարող են ուշագրավ զարգացումներ լինել. քննություն՝ նաև իրավապահ համակարգի համար. «Փաստ»
«Փաստ» օրաթերթը գրում է
Հայտնի իրողություն է, որ քաղաքական պայքարն ու ընդդիմադիր ուժերի կողմից իշխանություններին անվստահություն հայտնելու միակ ճանապարհը փողոցային պայքարը չէ, թեպետ որոշակի ժամանակի մեջ օրինականության սահմաններում դա էլ չի բացառվում: Կան նաև այլ՝ պայքարի ավելի քաղաքակիրթ ձևեր, այդ թվում՝ իրավական հարթության մեջ:
Իշխանության դեմ պայքարի ճանապարհին ընդդիմադիր քաղաքական ուժերի կողմից այս առումով կարող է ձևավորվել նոր մշակույթ:
Օրինակ՝ վերջերս «Մեկ Հայաստան» կուսակցությունը նոր կորոնավիրուսի դեմ պայքարը տապալելու փաստով պաշտոնապես միջնորդություն ներկայացրեց գլխավոր դատախազություն և հատուկ քննչական ծառայություն՝ քրեական գործ հարուցելու համար։
Հաղորդումը ներկայացվել է կուսակցության նախագահ Արթուր Ղազինյանի անունից: Շատ փորձագետների կարծիքով, նման գործելաոճը, նորարարական քայլ լինելուց բացի, բավականին ուշագրավ զարգացումներ կարող է ենթադրել:
Նման օրինակներով Հայաստանում կարող է ինստիտուցիոնալ հիմքերի վրա դրվել ընդդիմադիր ուժերի պայքարն ու այսպիսով հասարակությանը զերծ պահել ցնցումների ենթարկելուց:
Սա նաև լավ քննություն կլինի իրավապահ համակարգի համար, քանի որ նման միջնորդությունների քննության արդյունքներից ավելի ակնհայտ կդառնա, թե արդյոք ուժային կառույցները պատրա՞ստ են առաջնորդվել բացառապես օրենքի գերակայությամբ ու պետության և ժողովրդի շահով, թե՞ շարունակում են օրվա իշխանությունների պատվերով գործել:
Սա կարևորվում է նաև այլ տեսակետից. տարիներ շարունակ հասարակության մեջ հիմնավոր ասկածներ են եղել , որ իրավապահ համակարգը հաճախ պարզապես գործիքի դեր է կատարում իշխանությունների ձեռքում: Այս կասկածները չեն փարատվել նաև 2018 թվականի իշխանափոխությունից հետո, գուցե նաև՝ ընդհակառակը:
Ինչևէ, այս օրերին քաղաքագետներից շատերն արձանագրում են, որ ներքաղաքական դաշտում քաղաքակիրթ պայքարի մեկնարկը տրված է, ինչն ունի իր կանոններն ու հնարավոր է՝ լինի ոչ պակաս արդյունավետ:
Մանրամասները՝ «Փաստ» օրաթերթի այսօրվա համարում
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Պուտինը համոզված է, որ Արևմուտքին չի հաջողվի իր գործողություններով պառակտել ռուս հասարակությունը
Հայ-իրանական դարավոր բարեկամությունը շատ ավելի ամուր է, քան ցանկացած սուտ մատնություն. Իվետա Տոնոյան
Նավթի դարաշրջանը ավարտվում է. Նարեկ Կարապետյան
Նավթի դարաշրջանն ավարտվում է, Ադրբեջանի դարաշրջանն ավարտվում է․ Նարեկ Կարապետյան
Ակնհայտ է Զվարթնոց օդանավակայանի ուղևորահոսքի աճի դինամիկան, ինչը ենթադրում է, որ եթե աճի այս տեմպե...
Սկսվելու է ամենականխատեսելին՝ սեփական թիմի ներսում մեղավորների փնտրտուքը․ Հրայր Կամենդատյան
Քաջարանի հանքավայրի փոշեճնշիչ թնդանոթները` գործողության մեջ
«Հայ վիրտոզներ» կրթական ծրագրի մասնակիցները` եվրոպական հեղինակավոր բեմերում
Դիմորդները չեն կարողանում հաղթահարել համալսարանի անցողիկ շեմը դպրոցական գիտելիքներով. Ատոմ Մխիթարյան