«Օրակարգը տեղում կձեւավորվի». Նիկոլ Փաշինյանը հրաժարվեց խոսել լրագրողների հետ

Քիչ առաջ «Քաղաքացիական պայմանագիր» կուսակցության կենտրոնական գրասենյակ ժամանեց ՀՀ վարչապետ Նիկոլ Փաշինյանը, ով այս անգամ ևս չցանկացավ պատասխանել լրագրողների հարցերին։ Նա ասաց, որ լրագրողների հետ շփվել է վերջին ասուլիսի ընթացքում։

Մինչ այդ «Իմ քայլը» խմբակցության ղեկավար Լիլիթ Մակունցը լրագրողներին հայտնեց, որ սա վարչապետի հերթական հանդիպումն է «Իմ քայլը» խմբակցության հետ. «Իհարկե, օրակարգային թեմաները կքննարկվեն, կարծում եմ: Տեղում կձեւավորվի օրակարգը: Նախապես օրակարգ չկա ձեւավորված»,-ասաց նա:

Մակունցը սպասեց, մինչեւ ժամանեց վարչապետ Նիկոլ Փաշինյանը եւ ուղեկցենց նրան ներս:

Հիշեցնենք, որ այս պահին «Իմ քայլը» խմբակցությունը ՔՊԿ գրասենյակում նիստ է հրավիրել, մասնակցում է նաև վարչապետը։