Խաչիկ Ասրյան. Հրաժարվե՛ք ամերիկյան դրամաշնորհի գայթակղությունից
ույն թվականի մարտի 4-ին հայտնի դարձավ, որ ամերիկյան արտաքին քաղաքական գերատեսչությունը՝ Պետդեպարտամենտը, պատրաստվում է շարունակել Հայաստանում իր ազդեցության գործակալների խրախուսման և նոր ազդեցության գործակալների ցանց ստեղծելու աշխատանքն, ու, այդ նպատակով, հատկացվում են միլիոնավոր դոլարներ:
Բոլոր նրանք, ովքեր հավատարմորեն կծառայեն հայ-ամերիկյան հարաբերությունների սերտացմանն, այսինքն՝ Հայաստանում կծառայեն Ամերիկայի շահերի սպասարկմանը, Հայաստանում ԱՄՆ դեսպանատան կողմից կստանան դրամաշնորհ՝ մինչև 150 հազար դոլարի չափով:
Ամերիկան, իր տված ամեն մի ցենտի դիմաց, պահանջելու է ծառայություններ, որոնք ուղղված են լինելու Հայաստանի ազգային ու պետական շահերի, Հայաստանի ինքնիշխանության և Հայ ժողովրդի գոյության դեմ: Նման դրամաշնորհների արդյունքում՝ ստեղծված գործակալական ցանցը 2018 թվականի ապրիլ-մայիսին Հայաստանում իրականացրեց պետական հեղաշրջում, որի արդյունքում Հայաստանն արդեն հայտնվել է անդունդի մեջ. մենք կորցրել ենք Արցախն ու 5 հազարից ավելի հայորդիների, ունենք 10 հազարից ավելի վիրավորներ, հարյուրավոր անհետ կորածներ ու գերեվարվածներ, որոնց ճակատագրով, պետական մակարդակով, որևէ մեկը չի զբաղվում:
Ամերիկյան գործակալական ցանցն է, որ, գրեթե երեք տարի շարունակ, Հայաստանում ոչնչացնում է մեր պետականությունն, անհաշտ պայքար է սկսել մեր ազգային ինքնության, լեզվի, կրոնի, պատմության ու մշակույթի դեմ, երեք տարի շարունակ քարոզում և գովազդում է այլարսերվածություն և ապազգային բարքեր, որոնց արդյունքում արդեն ձևավորվել է հակահայերի մի ոհմակ, որոնց համար Հայոց հայրենիքն, ազգն ու պետությունը ոչ մի արժեք չունեն, որոնց համար մեծագույն ձեռքբերումն իրենց ֆիզիկական գոյությունն է, իսկ ապրելու իմաստն՝ իրենց տերերին ծառայելը:
«Հայոց Արծիվներ. Միասնական Հայաստան» Ազգային-Քրիստոնյա կուսակցությունը կոչ է անում հրաժարվել այդ գայթակղությունից, հրաժարվել այդ գումարը վերցնելու և սեփական ազգի ու պետության դեմ ծառայելու պարտադրանքից:
Յուրաքանչյուր Հայ մարդ պետք է հասկանա, որ ինքն անցողիկ է, իսկ Հայրենիքն ու Հայաստանը մնայուն արժեքներ են:
Թույլ մի տվեք, որ սերունդները ձեր անունը հիշեն նզովքով ու արհամարհանքով:
«Հայոց Արծիվներ. Միասնական Հայաստան» կուսակցության Նախագահ՝ Խաչիկ Ասրյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ