Ինչպես և միշտ ԲՀԿ գործոնը դոմինանտ էր...որոշ մարգինալացվածներ չեն մարսում իրենց անողնաշար լինելու հանգամանքը

Դեռևս երեկ երկրում քաղաքական ճգնաժամ էր, չնայած ինչի՞ միայն քաղաքական` ամենուր քաոս էր և անտարբերություն։ Երկրի գործուն կառույցները, ժողովուրդը, բանակը ունեին մեկ արդարացի պահանջ։ Իսկ մասնատված երկրի "փրկության" ճանապարհը փակուղում էր։ Եւ թերևս ավելի քան պարզ և հստակ է, որ ամեն բան հանդարտվեց և մասամբ իր տեղն ընկավ ԲՀԿ առաջնորդ Գագիկ Ծառուկյանի և Նիկոլ Փաշինյանի հանդիպումից հետո։ Չնայած, մինչ այս հանդիպումն էլ ակներև էր, որ խնդրի կարգավորման բանալին Ծառուկյանի ձեռքին է, և նրա խոսքն էր որոշիչ գործոնը լինելու։ Այն ինչ այսօր համացանցն աչքի զառնելուց հասկացա, որ այս պարզ ճշմարտությունը ոչ բոլորի համար էր պարզ։ Եւ որ որոշների քաղաքական հայրիկները դեռևս չեն մարսում իրենց անողնաշար լինելու հանգամանքը և պատրաստ են ամեն ինչի ուրույն հետագիծ ունեցող, ռեալ գործունեություն ծավալող և ժողովրդի խոսքին դոմինատություն տվող ուժի լիդերի անունը վարկաբեկել, ինչ֊որ մանիպուլյատիվ հոդվածների հրամցնումով։ Ասել կուզեն` քիմքիս չի հասնում, ուրեմն թթու է։ Բայց կարևոր է հասկանալ, որ սրանց նման մարիանետկաները ոչինչ էլ չեն կարող փոխել։ Չնայած մյուս կողմից եթե դադարեն ամբողջ ռեսուրսը կիրառել ԲՀԿ-ի կամ այլ կայացած ուժերի անունները սևացնելու գործին գուցե մի բան փոխվի։ Գուցե կարողանան ամրագրել իրենց հարիր քաղաքական օրակարգ ու ստեղծված հնարավորությունն էլ իրենց օգտին բանեցնեն, որ գոնե այսչափ խանդոտ չլինեն, իսկ ներսի մաղձը այսչափ խեղդող։ Այնպես որ հանդարտվեք պարոնա՛յք, վայելեք հատկապես` ԲՀԿ կողմից ընձեռնված հնարավորությունը և իրականության հետ հաշվի նստելու կարողություն ունեցեք։