Ծեծկռտուք և դանակահարություն Էջմիածնում․ տուժողները հայր ու որդի են․ դանակահարողը ձերբակալվել է /տեսանյութ/

Մարտի 19-ին, ժամը 2-ի սահմաններում, հիվանդանոցից ոստիկանության Վաղարշապատի բաժին հաղորդում էր ստացվել, որ մարմնական վնասվածքներով Նավասարդյան փողոցի 40 և 18 տարեկան երկու բնակիչ են բուժօգնության դիմել, որոնք հայր ու որդի են։ Հայրը գոտկային շրջանում կտրած-ծակած վերքով էր հիվանդանոց տեղափոխվել, որդին՝ կրծքավանդակի սալջարդով։

Իրավապահների հետևողական աշխատանքի շնորհիվ հաղորդումից ժամեր անց հանցագործությունը բացահայտվեց:

Քրեական հետախույզները տեղեկություններ ստացան, որ Էջմիածնի Նավասարդյան փողոցում ծագած վեճի ժամանակ տուժողներին ծեծել են Էջմիածին քաղաքի 18 և 21 տարեկան երկու բնակիչ, և հենց 18 տարեկան երիտասարդն էր դանակահարել 40-ամյա տղամարդուն։

Կասկածվողը նույն օրը Էջմիածնի Բաղրամյան փողոցում հայտնաբերվեց և բերման ենթարկվեց ոստիկանության Վաղարշապատի բաժին։

Նա ձերբակալվել է:

Նշանակվել է դատաբժշկական փորձաքննություն:

Ձեռնարկվում են միջոցառումներ՝ դեպքի հանգամանքները պարզելու ուղղությամբ:

Հարուցված քրեական գործի նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ավելին՝ այստեղ