Տեսանյութ․ Ժամն է սթափվելու․ Հայաստանին ազգային իշխանություն է հարկավոր
Արցախյան 44-օրյա պատերազմում կրած ցավալի պարտությունը վկայեց՝ մեր հայրենիքին ազգային իշխանություն է հարկավոր։ Սեփական երկրի ու ժողովրդի առջև պատասխանատվություն ունեցող և իրենց առաքելությունը գիտակցող ազգային իշխանությունը վստահաբար այսպիսի արհավիրքի պատճառ չէր կարող դառնալ։
Պարտությունից ամիսներ անց դեռևս չի վերլուծվել մեր պարտությունը, չեն նախանշվել արհավիրքի հետևանքներից ազատվելու ուղիները, իշխանությունն ու ընդդիմությունը, ասես ոչինչ էլ չի եղել, պատրաստվում են խորհրդարանական արտահերթ ընտրությունների, իսկ քարոզարշավը համեմված է ոչ թե զարգացման ծրագրերով ու տեսալականով, այլ փոխադարձ հայհոյանքներով։
Մինչդեռ այս ընտրությունները պետք է լինեին խորապես ազգային պետություն ձևավորելու, բանակն ու տնտեսությունը վերականգնելու, ծանր հարված ստացած հայ ժողովրդի մեջ հույսի կրակը վառելու ծրագրերի շուրջ։
Իսկ վիճակն օրհասական է, ժամն է սթափվելու, բռունցքվելու, դառնալու ուժեղ՝ ներքին և արտաքին թշնամիներին հաղթելու համար, հակառակ դեպքում երկիրը կդառնա կերակուր աշխարհի հզորների խնջույքի սեղանին և մարդկության գրքից կանհետանա հայի անունը:
Բարեբախտաբար, հետպատերազմյան ճգնաժամային ընտրություններին մասնակից ոչ բոլոր ուժերն են կորցրել վերլուծելու ունակությունը, կան ազգի ու հայրենիքի նվիրյալներ, որոնք գալիս են ոչ թե պարտված երկրից վերջին հյութերը քամելու, այլ ուժ և հավատ բերելու։
«Հայոց Արծիվներ. Միասնական Հայաստան» կուսակցության առաջնորդ Խաչիկ Ասրյանը բազմիցս է նշել այն չափորոշիչները, թե ով կարող է ստանձնել Հայաստանի ղեկը. մարդ, ով մասնակցել է արցախյան պատերազմներին, ունի կառավարման լուրջ փորձ և թաթախված չի եղել կոռուպցիայի մեջ։ Տարիներ շարունակ երիտասարդության մեջ հայրենասիրական գաղափարներ սերմանող, գաղափարական ուժերը պիտի կարողանան ընտրողին հասցնել իրենց գաղափարները, ձեռք մեկնել հուսահատ հայ մարդուն։ Այս առումով, «Հայոց Արծիվներ. Միասնական Հայաստան» կուսակցության և Խաչիկ Ասրյանի գործը բարդ է, սակայն նրանք ունեն իրենց փաստարկները, որոնք ապացուցված են տասնամյակներով։ Արցախյան երեք պատերազմների ակտիվ մասնակիցներն այսօր էլ պատրաստ են զենքը ձեռքին գնալ Սյունիք և ոչնչացնել թշնամուն։ Ուրեմն պետք է տալ հնարավորություն իրական ազգային ուժին՝ պետության մեջքը շտկելու համար։
Արամ Լևոնյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը