Ռուս խաղաղապահները մարդասիրական ակցիա են անցկացրել Մարտունու շրջանի Մաճկալաշեն գյուղում
Լեռնային Ղարաբաղում ՌԴ խաղաղապահ զորախմբի զինծառայողները բարեգործական հիմնադրամի հետ համատեղ անցկացրել են մարդասիրական ակցիա Մարտունու շրջանի Մաճկալաշեն գյուղում, որը տեղակայված է սահմանազատման գծի մոտ: Այս մասին հայտնում է ՌԴ ՊՆ-ն:
Մարդասիրական ակցիայի շրջանակներում Ռուսաստանի խաղաղապահ զորակազմի մարդասիրական արձագանքման կենտրոնի սպաները, հասարակական կազմակերպության ներկայացուցչի հետ, տեղացիներին նվիրել են ապուրների հավաքածուներ և խոհանոցային պարագաներ:
«Այսօր Մաճկալաշեն գյուղում անցկացվել է մարդասիրական ակցիա, որի ընթացքում ներքին տեղահանվածներին` 14 ընտանիքի և 3 բազմազավակ ընտանիքի, մարդասիրական օգնություն է տրվել խոհանոցային պարագաների և սննդի հավաքածուի տեսքով», — ասել է Մարդասիրական արձագանքման կենտրոնի սպա Ռուսլան Իվանովը:
Նաև, խաղաղապահները զրուցել են տեղի բնակչության հետ, ուսումնասիրել նրանց բնակության վայրերը և ընդունել ներքին տեղահանված անձանց կողմից անհրաժեշտ հիմնական ունեցվածքի վերաբերյալ դիմումները:
«Այս պահին գյուղում բնակվում է 415 մարդ: Նրանք հիմնականում աշխատում են բանջարանոցներում և դաշտերում: Դե, իհարկե, շատ լավ գործ է` 14 ընտանիք ստացել է սնունդ և խոհանոցային պարագաներ: Ես կցանկանայի մեծ շնորհակալություն հայտնել այս ակցիայի ղեկավարին», — ասել է Մաճկալաշեն գյուղի վարչակազմի ղեկավար Լեռնիկ Ավանեսյանը:
Ընդհանուր առմամբ, բարեգործական կազմակերպությունների և հիմնադրամների միջոցով, ռուս խաղաղապահները Լեռնային Ղարաբաղի բնակիչներին փոխանցել են ավելի քան 220 տոննա մարդասիրական բեռ, ներառյալ սննդի և առաջին անհրաժեշտության պարագաներ, բժշկական հատուկ սարքավորումներ և առողջապահական հաստատությունների առաջնային ախտորոշիչ պարագաներ:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Հարցեր, որոնց պատասխանները, երբեք չեք լսի խորհրդարանի դահլիճում․ հարցազրույց Էդգար Ղազարյանի հետ