Երբ հայրենասիրությունը գնահատում են անգամ հակառակորդները
Հայաստանի քաղաքական ամլացած դաշտը Արցախյան 44-օրյա պատերազմից հետո ազգային ուժերով համալրվելու իրական կարիք ունի։ Ուժեր, որոնց կյանքի ու գործունեության իմաստը կլինի ոչ թե օտարին ու օտար արժեքներին ծառայելը, այլ սրտացավ և նվիրված ծառայությունը, որոնց միակ արժեքը Հայրենիքը կլինի։ Օրհասական այս օրերին, ցավոք, քաղաքական դաշտում միայն մեկ այդպիսի քաղաքական ուժ կա, որի նվիրվածությունն ու հայրենասիրությունն ապացուցվել է տարիներով, իսկ կուսակցության ղեկավարի և անդամների սխրանքը գնահատում են նույնիսկ քաղաքական հակառակորդները։
«Հայոց Արծիվներ. Միասնական Հայաստան» կուսակցությունը Հաաստանի ապազգային իշխանություններին քննադատում էր այն ժամանակ, երբ մյուսները պապանձվել էին, ծպտուն չէին հանում։ 2020 թվականի սեպտեմբերի 19-ին կուսակցության առաջնորդ, գնդապետ Խաչիկ Ասրյանը բազմամարդ հանրահավաք էր գումարել Ազատության հրապարակում` «Հեռացնե՛նք Նիկոլին, փրկե՛նք Հայաստանը» կարգախոսով։ Ընդամենը 8 օր անց նա մի կողմ դրեց քաղաքական տարաձայնությունները, իր ջոկատով մեկնեց Արցախ, կյանքի գնով անառիկ պահեց Մարտունի և Ճարտար քաղաքները։ «Հայոց Արծիվներ» կամավորական ջոկատի խիզախությունը ցնցել էր նույնիսկ Հայաստանի և Արցախի իշխանություններին։ Ջոկատի ամբողջ կազմին՝ 75 հոգի պետական բարձր պարգևներ շնորհեցին, իսկ Խաչիկ Ասրյանն արժանացավ ամենաբարձր՝ «Մարտական Խաչ» 1-ին աստիճանի շքանշանի։
Այսօր էլ Խաչիկ Ասրյանն ու «Հայոց Արծիվներ. Միասնական Հայաստան» կուսակցությունը շարունակում են իրենց ազգանվեր գործունեությունը, թիկունք կանգնում Հայաստանի Հանրապետությանը։
«Հայաստանի իշխանությունը պարտավոր է սպասարկել բացառապես Հայաստանի և Հայ ազգի ազգային պետական շահը, այլ, ոչ թե հանուն սեփական իշխանության պահպանման, ստանձնի ադրբեջանա-թուրքական պետությանը ծառայելու հպատակի իր գործառույթները»,- նշել է գնդապետը և հավելել, թե Հայաստանի իշխանության կողմից ցանկացած զիջում Ադրբեջանին՝ ընկալելու ենք որպես կապիտուլյացիոն քաղաքականության և թուրքական օրակարգին աջակցելու ու առաջ մղելու դավաճանական գործողություն:
Ի տարբերություն այլ քաղաքական ուժերի, որոնք ջանում են դառնալ օրվա դավադիրների կցորդը, հանուն իշխանական կերակրատաշտին մոտ լինելու խախտում իրենց սկզբունքները, «Հայոց արծիվներն» աչքի են ընկնում չափազանց անաչառ և սկզբունքային դիրքորոշումներով։ Նման քաղաքական ուժերն են, որ դառնալու են Հայաստան երկրի ապագայի իրական կերտողները։
Կարեն Մնացականյան
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Իշխանությունների թիրախում են ակտիվ արցախցիները. «Հրապարակ»