ԱրարատԲանկը նշել է իր գործունեության 30-ամյակն ու վերաբրենդավորման 1-ամյակը
Հոկտեմբերի 2-ին ԱրարատԲանկը նշել է իր գործունեության 30-ամյակն ու վերաբրենդավորման 1-ամյակը՝ նախապատվություն տալով թիմակառուցողական ձևաչափին։
«Բանկի 30-ամյակի և վերաբրենդավորման 1-ամյակի առթիվ թիմակառուցողական ձևչափին նախապատվություն տալը պատահական չէր։ Այս միջոցառումով մենք ուզում ենք, որ մեր աշխատակիցները վստահեն իրենց ուժերին և գիտակցեն, որ իրենց հաջողությունը միասնական գործելու մեջ է, և թիմի հաջողությունը կախված է անձամբ իրենցից՝ անկախ գործառույթի կամ առաջադրանքի բարդության աստիճանից։ Բացի այդ, թիմակառուցումը ստեղծում է շփվելու և միմյանց ավելի լավ ճանաչելու հնարավորություն, ինչը պակաս կարևոր չէ հետագա աշխատանքային շփումների համար»,- նշել է ԱրարատԲանկի Վարչության նախագահ Մհեր Անանյանը:
«Թիմակառուցումը աշխատակիցների շրջանում ստեղծում է թիմային ոգի, միավորում նրանց մեկ նպատակի շուրջ։ Շատ կարևոր է, որ յուրաքաչյուր աշխատակից գիտակցի, որ թիմի մաս է կազմում և այստեղ ամենևին կարևոր չէ զբաղեցրած պաշտոնն ու դիրքը, բոլորն անխտիր գործում և ստեղծագործում են հավասար պայմաններում, որտեղ, գուցե, ի հայտ կգան նոր դեմքեր, նոր ղեկավարներ կամ նոր առաջնորդներ, կբացահայտվեն թիմային աշխատանքի թույլ և ուժեղ կողմերը»,- ասել է ԱրարատԲանկի Մարդկային ռեսուրսների կառավարման վարչության ղեկավար Շուշան Առաքելյանը։
«Անցած տարի դեռ վերաբրենդավորման միջոցառման ժամանակ մենք ազդարարել ենք մասնաճյուղերի վերաբրենդավորման մեկնարկի մասին։ Ուրախությամբ պետք է փաստեմ, որ տարվա պլանը կատարել ենք և այս պահի դրությամբ վերաբրենդավորված մասնաճյուղերի թիվը կազմում է 23։ Ավելին, մինչև տարեվերջ նախատեսում ենք ավարտի հասցնել ևս 9 մասնաճյուղ։ Փոփոխության են ենթարկվել նաև թվով 60 ավտոմատ գանձման մեքենա և վճարային տերմինալ։
Կարևոր եմ համարում նշել, որ վերաբրենդավորման գործընթացը ենթադրում է ոչ միայն արտաքին վիզուալ փոփոխություններ, այլ նաև ներքին աշխատանքային գործընթացների արդյունավետության բարձրացում, հաճախորդակենտրոն սպասարկում, աշխատակիցների վերապատրաստում, ինչպես նաև նոր գաղափարների գեներացման ու դրանց իրագործման հնարավորություն», - ասել է Մարքեթինգի և բանկային ծառայությունների վաճառքի վարչության ղեկավար Սուրեն Բաբաջանյանը։
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...