Ազգային ժողովի դիմաց ոստիկանները ուժեր են հավաքել

Քիչ առաջ Ազգային ժողովում միջադեպ է տեղի ունեցել, ԱԺ փոխնախագահներից Ռուբեն Ռուբինյանի աշխատասենյակում մի խում ՔՊ-ական պատգամավորներ եւ օգնականներ ծեծել են ընդդիմադիր «Հայաստան» դաշինքի պատգամավորների երեք օգնականներին՝ Գերասիմին, Տարոնին եւ Իշխան Սաղաթելյանի օգնական Սեւակին։ Միջադեպը սկսվել է այն բանից հետո, երբ ՔՊ-ական պատգամավորներ, Փաշինյանի աներձագ Հրաչ Հակոբյանին ու Սիսակ Գաբրիելյանին թվացել է, թե տղաներն իրենց թարս են նայում միջանցքում քայլելիս։ Պատգամավորները տեղում փորձել են հասկանալ, հարցրել են օգնականներին, սակայն պատասխան են ստացել, որ դա պատգամավորների տպավորությունն է։ Սակայն մեծն աներձագին ու նրա ստվեր Սիսակ Գաբրիելյանին ըստ ամենայնի բացատրությունը համոզիչ չի թվացել։ Ժամեր անց նրանց օգնականները ընդդիմադիրների օգնականներին հրավիրել են Ռուբինյանի աշխատասենյակ, ապա մի քանի պատգամավորների հետ ծեծի ենթարկել։

Պատգամավորների թվում, մեզ ասացին, եղել են թիվ մեկ ուսապարկ Վահագն Ալեքսանյանը, աներձագը, Սիսակը, չի բացառվում այլ պատգամավորներ էլ են եղել։ Այժմ շտաբօգնություն են կանչել խորհրդարան՝ ծեծված օգնականներին օգնություն ցուցաբերելու նպատակով։ Այս պահին Ազգային ժողովի շենքի մոտ՝ Դեմիրճյանի կողմից, ոստիկանական ուժեր են կուտակվել։

Նշենք, որ քիչ առաջ առաջ ՀՅԴ ներկայացուիցիչ Սարգիս Կարապետյանն էր ֆեյսբուքյան գրառմամբ տեղեկացրել, որ պատրաստվում են հավաքվել Ազգային ժողովի դիմաց։ Վերնագիր՝

Ամբողջական հոդվածը կարող եք կարդալ այս հասցեով՝ : https://hraparak.am/post/4d8f7ac3171910c221b42c0bf29d7dbd