Ցանկացած ոք, ով դեմ է հայ-ռուսական հարաբերություններին, կամ միամիտ մոլորյալ է, կամ հակահայ սրիկա. Հայկ Եսայան

Հայկ Եսայանը իր ֆեյսբուքյան էջում գրում է.

«Զատուլինը հարցազրույց է տալիս Հ1-ին, որում նշում է, թե իր համար շատ առեղծվածային էր Շուշիի ընկնելը, այնուհետև վերահաստատում այն, որ Ռուսաստանը շարունակում և շարունակելու է իր ջանքերը տարածաշրջանում խաղաղության հաստատման համար:

Պետ դումայի պատգամավորը հայ հանրությանը հասկացրեց, որ չի կարող լինել իր հռետորաբանության մեջ այնքան կոշտ, որքան Թուրքիան է Ադբեջանի համար, քանի որ այդ դեպքում կկորցնի իր միջնորդի դերը և աղետալի հետևանքներ կլինեն հայ հանրության համար: Այս ամենից հետո, Նիկոլ Փաշինյանը հավաքեց իր ԱԺ խմակցությանը, հետո արտախորհրդարանական ուժերին և արտաքին մարտահրավերների հետ կապված «խորհրդակցություն» անց կացրեց:

Այդ հավաքներից 1-2 օր անց Սամվել Բաբայանը և Արամ Սարգսյանը սկսեցին հարցազրույցներ տալ, այդ թվում հանրայինին և հայտարարել, որ հնարավոր է Հայաստանի անդամակցության կասեցումը ՀԱՊԿ-ին: Դուք հասկանու՞մ եք, թե ինչ կարող է լինել այս ամենի հետևանքը: Հասկանու՞մ եք, որ առանց Ռուսաստանի աջակցության Թուրքիայից ժամեր  կպահանջվեն հանրապետության հրապարակում  կիսալուսին ծածանելու համար: Ու՞ր են ձեզ տանումայս մարդիկ: 

Ցանկացած ոք, ով դեմ է հայ ռուսական հարաբերություններին կամ միամիտ մոլորյալ է, կամ հակահայ սրիկա»։