Արդշինբանկը ներդրումներ է կատարում կանաչ էներգիայի ոլորտում

Դեկտեմբերի 6-ին «Կայուն գյուղատնտեսություն և էներգետիկա» ծրագրի շրջանակներում տեղի է ունեցել  արևային էներգիայով  աշխատող տեխնոլոգիական նորարարական լուծումների շնորհանդեսը: Ծրագիրն իրականացվում է «Բարի Արև» ընկերության կողմից՝ Արդշինբանկի ֆինանսավորմամբ:

Արդշինբանկի Կորպորատիվ բիզնեսի տնօրեն Արթուր Գյուլազյանը նշել է, որ կատարվել է մոտ 9,350,000 ԱՄՆ դոլարի ներդրում: «Բանկը  ֆինանսավորել է անհրաժեշտ գումարի 85%-ը, և տրամադրել լրացուցիչ 25,000,000 ՀՀ դրամ՝  ապահովագրության համար: Վերականգնվող էներգիայի նախագծերի ֆինանսավորումը բանկի առաջնահերթություններում է: Միայն արևային էներգիայի արտադրության ոլորտում բանկն արդեն վերջին մեկ ֆինանսավորել է թվով 11 նախագիծ՝ 3,5 մլն դոլարի շրջանակներում:

Բանկը կշարունակի հատուկ ուշադրություն դարձնել այս ոլորտին: Հայաստանի Հանրապետությունը իր յուրահատուկ աշխարհագրական և կլիմայական պայմաններով մեծ ներուժ ունի և մեր էներգետիկ անկախության և անվտանգության ապահովման գործում նման ծրագրերը չափազանց կարևոր են»,- իր խոսքում նշեց Արթուր Գյուլազյանը»: 

«Այսօր «Բարի Արև»-ը ներդնում է նոր ինովացիոն կարողություններ, որոնք, անկասկած, ընդլայնում են ձեռնարկությունների և գյուղատնտեսության ներուժը վերականգնվող էներգիայի աղբյուրների օգտագործման հարցում, զգալիորեն նվազեցնում են ծախսերը, ինչպես նաև նոր հնարավորություններ են ընձեռում ավելի արդյունավետ, էներգախնայող և անխափան աշխատանքի համար», նշում է «Բարի Արեւ» ընկերության տնօրեն Հայկ Հարությունյանը:

«Բարի Արեւ» ընկերությունը հայկական շուկայում գործում է շուրջ 3 տարի։ Մինչ օրս Բարի Արևը շահագործման է հանձնել արդյունաբերական մասշտաբի 3 արևային կայան՝ յուրաքանչյուրը շուրջ 6000 կվտ հզորությամբ: Արագածոտնում Բարի Արև 1 և Բարի Արև 2 կայանների կառուցումը ֆինանսավորվել են  Արդշինբանկի կողմից։

Արդշինբանկը վերահսկվում է ՀՀ Կենտրոնական բանկի կողմից: