Բնակչին ադրբեջանցի զինվորներն են տարել, թե ինքն է հատել սահմանը. մանրամասներ՝ Ասկերանի մոլորված քաղաքացուց
Ինչպես հայտնեցինք քիչ առաջ, այսօր՝ առավոտյան ժամը 07։30-ի սահմաններում, ԱՀ ազգային անվտանգության ծառայությանը հաղորդվել էր Ասկերանի շրջանի Այգեստան համայնքի 1971թ. ծնված բնակիչ Արմեն Աբրիկի Վերդյանի անհայտ կորելու մասին: Պարզվել է, որ նա առավոտյան Ասկերանի շրջանի Նախիջևանիկ և Ուղտասար համայնքների հատվածում մոլորվելու հետևանքով հայտնվել է Ադրբեջանի Հանրապետության զինված ուժերի վերահսկողության տակ գտնվող տարածքում և վերջիններիս կողմից վերցվել արգելանքի:
Դեպքի վերաբերյալ մանրամասներ իմանալու նպատակով ԼՈՒՐԵՐ.com-ը կապ հաստատեց Ասկերանի շրջանի Այգեստան համայնքի ղեկավար Մհեր Վանեսյանի հետ, որն ասաց՝ դեպքը տեղի է ունեցել այս գիշեր.
«Չեմ կարողանում պատկերացնել, թե ինչպես կարող էր նա անցնել սահմանը, որովհետև ադրբեջանցիների դիրքերը մեր գյուղից բավականաչափ հեռու են, մոտավորապես` 20 կմ խորության վրա»,- նշեց համայնքի ղեկավարը՝ հավելելով, որ երևի ոտքով է անցել ճանապարհը:
Խոսելով Ադրբեջանի սահմանը հատած բնակչի առողջական վիճակից՝ նա նշեց, որ որևէ խնդիր չի նկատել իր համագյուղացու մոտ. «Առողջական որևէ խնդիր չունի, սոցիալական խնդիր ևս: Ունի 4 երեխա՝ 3-ը տղա, մեկը՝ աղջիկ: Տղաներից մեկը զինվորական է, մյուսը` ոստիկան, իսկ երկու փոքր երեխաները դպրոցական են»,- պարզաբանեց Մհեր Վանեսյանը՝ նշելով, որ մոլորված բնակիչն էլ շինարար է:
Մեր այն հարցին, թե տանեցիները ինչպես են իմացել Արմեն Աբրիկի Վերդյանի` սահմանը անցնելու լուրի մասին, համայնքի ղեկավարը պատասխանեց, որ տեղյակ չէ, իրեն անգամ չեն դիմել, երբ ժամեր շարունակ չեն կարողացել գտնել ընտանիքի հորը. «Տանեցիները գնացել են ոստիկանություն և ասել, որ Արմենը երեկվանից չկա, բայց երևի չեն էլ պատկերացրել, թե ինչ կարող է եղած լինել նրա հետ: Ես էլ նոր եմ իմանում կատարվածի մասին»,- նշեց մեր զրուցակիցը:
Դիտարկմանը, թե արդյոք սահմանների մոտ Արմեն Վերդյանը որևէ աշխատանք ուներ իրականացնելու և դա՞ էր պատճառը ուժ ժամին իր՝ այնտեղ հայտնվելու, համայնքի ղեկավարը բացառեց դա. «20 կմ այն կողմ սահամանամերձ գոտի է, այնտեղ որևէ գործ չէր կարող ունենալ: Ադրբեջանցի զինվորներն են տարել, թե ինքն է հատել սահմանը, չենք կարող ասել»,- նշեց նա՝ հավելելով, որ բանակցություններից դեռ որևէ լուր չկա, դրանք շարունակվում են:
Զվարթ Պետրոսյան
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
Հանրապետության հրապարակում ռոբոտ շներ ցուցադրվեցին
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու