Բացահայտվել է Լուսնի վրա «առեղծվածային տան» գաղտնիքը

Պարզվել է, որ Ֆոն Կարման խառնարանի առեղծվածային օբյեկտը, որը լուսանկարել է չինական «Յույտու-2» լուսնագնացը, փոքրիկ քար է։ Այս մասին հայտնում է «Գազետա»-ն՝ վկայակոչելով CNet-ը։

Օբյեկտի առաջին պատկերները հայտնվել էին դեկտեմբերի սկզբին։ Լուսանկարի դիրքից թվում էր, թե հեռվում Լուսնի մակերեսին մի օբյեկտ կա, որը տուն է հիշեցնում։ Հաղորդվել էր նաեւ, որ «Յույտու-2»-ին մի քանի ամիս կպահանջվի հորիզոնում գտնվող տարօրինակ օբյեկտին հասնելու համար:

Չինական լուսնագնացից արված նոր լուսանկարները, որոնք հրապարակել է տիեզերական լրագրող Էնդրյու Ջոնսը, ցույց են տվել, որ «առեղծվածային տունը» սովորական քար է, որը ընկած է խառնարանի եզրին։

«Յույտու-2» լուսնագնացը վայրէջք է կատարել Ֆոն Կարման խառնարանի մոտ 2019 թվականին «Չանգե-4» առաքելության ժամանակ՝ դառնալով առաջին լուսնագնացը Լուսնի հակառակ կողմում։ Վերջերս նրա օգնությամբ գիտնականները տվյալներ էին ստացել լուսնային թիկնոցի կազմության վերաբերյալ։

Oh, this is amazing. Close to tears. Ourspace has published an update on the "mystery hut" and it's so underwhelming it's brilliant. It's just a small rock on a crater rim that they're now calling "jade rabbit" for its appearance. Source: https://t.co/frrMKH7RWM https://t.co/GFCIRzqmDu pic.twitter.com/jpDLDS8TZu

— Andrew Jones (@AJ_FI) January 7, 2022