ԶԼՄ-ներ. Ղազախստանի իշխանությունները դեռ չեն վերահսկում իրավիճակն Ալմաթիում

Ղազախստանի իշխանությունները դեռ չեն վերահսկում իրավիճակն Ալմա Աթայում, հայտնում է «Ազատություն» ռադիոկայանը՝ վկայակոչելով We Can Explain-ի Telegram ալիքի՝  դեպքի վայրում գտնվող լրագրողին։

«Նրա խոսքով՝ Ազգային գվարդիայի հսկողության տակ են միայն քաղաքային ակիմատի (քաղաքապետարանի) եւ նախագահական նստավայրի շենքերը եւ դրանց դիմացի տարածքը։ Երբեմն նրանք կրակոցներով վախեցնում են պարապներին: Սպանվածների մարմինները փողոցից չեն հեռացնում, հայտնում է թղթակիցը, միայն ջոկատականներն են փորձում փողոցներում կարգուկանոն պահպանել։ Բնակիչներից շատերը փորձում են լքել քաղաքը, բայց տաքսին մինչեւ մոտակա սահման (ըստ երեւույթին՝ Ղրղզստանի հետ) արժե 500 դոլար անձի համար, ինչը մեծ գումար է Ղազախստանի համար։

Ռուսական «Դոժձ» հեռուստաալիքի թղթակից Վասիլի Պոլոնսկին պատմել է, որ քաղաքի դիահերձարանի մոտ նկարահանումների ժամանակ շենքի անվտանգության աշխատակիցները ռազմական զենքից սկսել են կրակել լրագրողների ոտքերի մոտ։ Նկարահանումների ժամանակ ոստիկաններն ավտոմեքենայով մոտեցան դիահերձարանին, պահակները զենքն ուղղեցին ոստիկանների վրա եւ պահանջեցին իջեցնել ավտոմատները, ոստիկանները ենթարկվեցին, պատմում է լրագրողի կինը».