COVID-19-ից հետո հակամարմինները կարող են գրոհել առողջ բջիջները․ գիտնականներ

Լոս Անջելեսի Սրտի ինստիտուտի գիտնականները պարզել են, որ հակամարմինները, որոնք հայտնվում են COVID-19-ից ապաքինվածների մոտ, կարող են սխալմամբ գրոհել օրգանիզմի օրգանների եւ հյուսվածքների առողջ բջիջները։ Հետազոտության արդյունքները հունվարի 8-ին հրապարակվել են Journal of Translational Medicine ամսագրում, հաղորդում է «Իզվեստիան»։

Այսպես, ըստ վերլուծությունների, մարդու մոտ կորոնավիրուսով հիվանդանալուց մի քանի ամիս անց մեծանում է հակամարմինների տիտրը, որոնք կարող են սխալ գործել եւ վնասել օրգանիզմին։

Այսպես, 177 բուժաշխատողների մոտ, ովքեր մինչեւ պատվաստումը վարակվել են, վեց ամսվա ընթացքում հայտնաբերվել են կայուն հակամարմիններ, որոնք կարող են առաջացնել քրոնիկ բորբոքումներ, վնասել հոդերը, մաշկը եւ նյարդային համակարգը։

Հակամարմինների նման վտանգ է գրանցվում նաեւ որոշ այլ հիվանդությունների դեպքում։ Այս առումով հատկապես հայտնի է կարմրուկը։ վ