Ալմաթիի օդանավակայանում ուժեղացրել են անվտանգության միջոցառումները

Ալմաթիի օդանավակայանի տրանսպորտային ոստիկանությունը լրացուցիչ միջոցներ է ձեռնարկել քաղաքացիների անվտանգությունն ու հասարակական կարգն ապահովելու համար հունվարի սկզբին անկարգությունների պատճառով ընդհատված թռիչքների վերսկսումից հետո:

Այս մասին գրում է «Ռիա Նովոստի» գործակալությունը։

«Ալմաթիի օդանավակայանում ավիափոխադրումների վերսկսման կապակցությամբ ավելացել է ուղևորահոսքը: Տրանսպորտային ոստիկանության աշխատակիցները լրացուցիչ միջոցներ են ձեռնարկել հասարակական կարգն ապահովելու համար: Առանձնահատուկ ուշադրություն է դարձվում իրավախախտումների կանխարգելմանը և քաղաքացիների անվտանգության ապահովմանը»,- ասվում է մամուլի ծառայության հաղորդագրության մեջ:

Նշվում է նաև, որ ոստիկանությունը հերթապահում է ուժեղացված ռեժիմով, աշխատանքներ են տարվում հետախուզվողներին հայտնաբերելու ուղղությամբ։ Բացի այդ, զննման գծում առաջին հերթին իրականացվում է արգելված առարկաների հայտնաբերման ստուգում։ Անձնակազմի հետ կատարվում են համապատասխան հրահանգներ, որոնք ուղղված են ուղևորներին առավելագույն օգնություն ցուցաբերելուն:

Հիշեցնենք՝ այս տարվա առաջին օրերը խիստ լարված ու ոչ բարենպաստ էին մեկնարկել Ղազախստանի համար, քանի որ հեղուկ գազի գնի գրեթե կրկնակի բարձրացումից հետո սկսվել էին բողոքի զանգվածային ցույցեր, որոնք սկզբում ուղեկցվել էին անկարգություններով և ծեծկռտուքներով, այնուհետև՝ վերածվել զինված բախումների: