Երբվանից են ուժի մեջ մտնելու նոր սահմանափակումները

Առողջապահության նախարարի հրամանով՝ երեկվանից Հայաստանում հանրային սննդի կետեր, հյուրանոցներ, մարզասրահներ, գրադարաններ, թանգարաններ և մշակութային այլ վայրեր քաղաքացիների մուտքը թույլատրվում  է միայն եռօրյա վաղեմության ՊՇՌ թեստի բացասական արդյունքով կամ պատվաստման հավաստագրով։ Ըստ մասնագետների, այս նոր խստացումները կօգնեն խուսափել քովիդի նոր ալիքներից:

«Արդեն սովոր ենք հարվածներին, սա էլ մեծ հարված է լինելու: Եթե մարդը պատվաստված չէ, չեմ կարծում, որ սննդի ոլորտ հաճախելուց  կոդ պահանջենք, ինքը ռեստորան գալու համար գնալու  է ՝ պատվաստվի, ինքը տեստ կհանձնի, ինչը շարունակական չի լինելու: Կօգտվի  առաքումներից, ռեստորան չի հաճախի, իսկ եթե այս ամենը հանգեցնի լոքդաունի, չեմ կարող ասել՝ ինչ տեղի կունենա»,-Գյումրու Երկխոսության մեդիա կենտրոնում հրավիրված քննարկման ընթացքում ասում է «Ֆլորենս Գյումրի» ռեստորանի տնօրեն Կարեն Հարությունյանը՝ ընդգծելով, որ վերահսկելը նույնպես դժվարին հարց է լինելու: «Ստուգումների համար հաստիք չենք կարող ավելացնել, մեր աշխատակիցներով պիտի կազմակերպենք, որովհետև ևս մեկ հաստիք ավելացնելն անհնար է արդեն այդ պայմաններում: Մեր աշխատակիցն այցելուին հարցնում է՝ QR կոդ ունես, ինքն ասում է՝ ոչ, ինչու համար պիտի ունենամ: Այ, դրա պատասխանն այցելուին մեր աշխատակիցը չպետք է տա, այլ մասնագետներ, մարդիկ, որոնք պատրաստված են ոլորտում․․․»:

«Մեղր և բույս» թեյարան-ռեստորանի հիմնադիր տնօրեն Արտուշ Եղիազարյանն էլ առաջարկում է կառավարությանը համագործակցել տնտեսվարողների հետ: «Մենք պատրաստ ենք ամենաբարձր մակարդակով համագործակցել: Բայց այդ մարդկանց ով պիտի ստուգի: Թող կառավարությունը մարդ բերի, կանգնեցնեն, ստուգեն: Մենք Գյումրիում՝ աղքատ քաղաքում ենք ապրում, ինչքան էլ զբոսաշրջությունը բարձր լինի, բնակչության 30 տկոսն աղքատ է:2021թ-ին անգամ, որ պիկ եղավ, կորոնավիրուսի մեծ թվեր ունեինք՝  օրական 2000-3000 դեպք  , բոլոը դիմակներով էին մտնում սննդի վայր, հետո հանում էին ու առանց դիմակների քեֆ էին անում: Պետք է ոչ թե կեղծ, այլ արդյունավետ միջոցառումներ կիրառվեն: Կառավարությունից ամենամեծ ակնկալիքն այն է, որ համագործակցեն մեզ հետ: Այո, պատժելիության մեխանիզմը լավ բան է, բայց կանխարգելել է պետք: Թող գան, գործարարների հետ նստեն, զրուցեն, օրինակ 2021թ-ին սննդի անվտանգության տեսչությունը բավական աշխատեց: Ես օրինակ, հիմա չեմ տեսնում պրակտիկորեն ինչպես կարելի է կառավարել շաբաթ-կիրակի զբոսաշրջիկների հոսքը․․․»,- նշում է թեյարան-ռեստորանի տնօրենը:

Ավելին