Հայկական CodeSignal-ի ընկերության համաեվրոպական հավաքը տեղի կունենա Երևանում
- Հայկական CodeSignal ընկերությունը իր եվրոպական թիմի հավաքը կանցկացնի Երևանում, փետրվարի 14-ից 20-ը
- CodeSignal «Ararat Meetup» անվանումը կրող միջոցառումը Հայաստանում կմիավորի իր ինժեներներին եվրոպական 8 երկրներից
- Աշխատանքի արդյունավետությունը բարձրացնելու նպատակով թիմի անդամները միասին մեկ շաբաթից ավելի կաշխատեն Երևանյան գրասենյակում, ինչպես նաև կբացահայտեն Հայաստանը և հայկական մշակույթը
CodeSignal-ը նախատեսում է Եվրոպայի 8 երկրների աշխատակիցների առաջին համաեվրոպական հավաքը կազմակերպել Հայաստանում՝ CodeSignal «Ararat Meetup» խորագրով։ Երևանի գրասենյակը աշխարհում միակն է՝ չնայած նրան, որ ընկերությունն աշխարհի 12 երկրներում ունի 90 աշխատակից կամ Signalite։ Թիմի մեծ մասն ամբողջությամբ հեռահար է աշխատում, ինչը հաճախ խոչընդոտում է աշխատակիցների անմիջական շփումներին։ Սակայն փաստ է, որ մարդիկ միասին շատ ավելի առդյունավետև նպատակասլաց են աշխատում, երբ լավ ճանաչում և վստահում են միմյանց։ Այդ իսկ պատճառով Հայաստանում հավաքի նպատակն է բարձրացնել թիմային աշխատանքի արդյունավետությունը՝ նրանց հնարավորություն տալով անձնապես շփվել և մտերմանալ։
Փետրվար 14-ից սկսած մեկ շաբաթ Եվրոպայի ինժեներների և բովանդակություն մշակող մասնագետների թիմերը կաշխատեն Երևանի գրասենյակում իրենց հայ գործընկերների հետ միասին։ Նրանք կկարողանան փորձի փոխանակում իրականացնել, քննարկել իրենց նոր գաղափարներն ու աշխատանքային պլաններն առավել անմիջական պայմաններում։ Շաբաթվա ամփոփումը կլինի Դիլիջանում։ Այնտեղ պլանավորված թիմբիլդինգ էլ ավելի կնպաստի նրան, որ թիմի անդամները հնարավորինս լավ ճանաչեն միմյանց ուժեղ և թույլ կողմերը, ինչպես նաև՝ հետաքրքրությունները և յուրահատկությունները։
Օրակարգի կարևոր մաս է կազմում նաև մշակութային փոխանակումը։ Մշակույթը և պատմությունը յուրաքանչյուր անհատի ինքնության մի մասն են կազմում, և հնարավոր չէ լավ ճանաչել որևէ մեկին առանց հասկանալու իր մշակութային առանձնահատկությունները։ Այդ իսկ պատճառով նախատեսվում են այցեր թանգարաններ և տեսարժան վայրեր։ Մեկ շաբաթվա ընթացքում արտասահմանից ժամանած Signalite-ները հնարավորություն կունենան հնարավորինս բացահայտել հայկական մշակույթն իր բոլոր առաձնահատկություններով։
2021թ.-ին CodeSignal-ը ներառվել է The Silicon Review-ի տարվա լավագույն 50 գործատուների ցուցակում։ Facebook-ը, Zoom-ը, Uber-ը, Netflix-ը, Quora-ն և միջազգային հեղինակավոր բազմաթիվ այլ ընկերություններ այսօր օգտվում են CodeSignal պլատֆորմից, որպեսզի առավել անկողմնակալ կերպով տաղանդավոր մասնագետներ ընտրեն իրենց ընկերությունների համար:
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը