Թուրքիայի իշխանություններն անցել են միջազգային ԶԼՄ-ներին
Թուրքիայի հեռարձակման վերահսկող մարմինը երեք միջազգային լրատվամիջոցների 72 ժամ է տվել՝ նրանց գործարկման համար անհրաժեշտ արտոնագիր ստանալու համար․ հակառակ դեպքում հարթակները կարգելափակվեն, հայտնում է Reuters-ը։
Իլհան Թաշին, որը նաեւ ընդդիմադիր պատգամավոր է, քննադատել է ռադիոյի եւ հեռուստատեսության գերագույն խորհրդի (RTUK) որոշումը՝ գերմանական Deutsche Welle, Voice of America եւ Euronews հեռարձակող ընկերությունների թուրքալեզու վեբ կայքերից արտոնագրեր պահանջելու մասին ՝ հայտարարելով, որ դա նշանավորում է Թուրքիայում ԶԼՄ-ների ազատության վրա հետագա հարձակում։
«Ձայների մեծամասնությամբ որոշում է կայացվել amerikaninsesi.com, dw.com/tr եւ tr.euronews.com վեբ կայքերին 72 ժամ տրամադրել՝ արտոնագիր ստանալու համար» , - ասել է Թաշին, որը RTUK-ի Բարձրագույն պալատի ինը անդամներից մեկն է։
RTUK-ի վարչությունը, որում գերիշխում է իշխող Ազատության եւ զարգացման կուսակցությունը, չի կարողացել անմիջապես մեկնաբանել, թե ինչու է արտոնագրեր պահանջել։
Վերջին տարիներին Թուրքիան քայլեր է ձեռնարկել ԶԼՄ-ների նկատմամբ վերահսկողությունն ուժեղացնելու ուղղությամբ՝ RTUK-ին տրամադրելով լիակատար վերահսկողություն ողջ առցանց բովանդակության նկատմամբ, որը նա նաեւ իրավունք ունի հեռացնել: Թուրքիայում հիմնական ԶԼՄ-ների շուրջ 90%-ը ներկայումս պատկանում է պետությանը կամ մոտ է կառավարությանը։
Թաշին ասել է, որ RTUK-ի հիմնական նպատակը ԶԼՄ-ների ազատությունն էր։ «Ազգային լրատվամիջոցներից հետո հերթը հասել է միջազգային լրատվական կայքերին, որոնք պետք է լռեցնել։ RTUK-ի «կայքում կա տեսանյութ, այն պետք է արտոնագիր ստանա» տեսակի մոտեցմամբ այլեւս անվերահսկելի լրատվական գործակալություն չի մնա», - նշել է նա։
Արեւմտյան դաշնակիցներն ու իրավապաշտպան խմբերը նախագահ Ռեջեփ Թայիփ Էրդողանի կառավարությանը մեղադրել են 2016 թվականի ձախողված հեղաշրջումը որպես պատրվակ օգտագործելու մեջ՝ այլախոհությունը ճնշելու նպատակով։
Իր պաշտոնավարման գրեթե երկու տասնամյակի ընթացքում Էրդողանը հաճախ է քննադատել ԶԼՄ-ների բովանդակությունը, որը չի համապատասխանում իսլամական պահպանողական արժեքներին, որոնց հետեւում է իր Ազատության եւ զարգացման կուսակցությունը։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Զովաբերում 220 վոլտ լարումով ձուկ որսալու հետևանքով 28-ամյա տղամարդը հոսանքահարվել ու մահացել է
Բելառուսում արգելվել է հայկական «Երևան 2800» կոնյակի վաճառքը, այն ճանաչվել է վտանգավոր արտադրանք
Եթե պետությունն ուզում է լավ մարդ և քաղաքացի ունենալ, պետք է նրան ապահովի որակյալ կրթությամբ. Ատոմ Մ...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ