Սյունիքի մարզի Ծղուկ գյուղի ավտոճանապարհին 6 մեքենա է բախվել. 15 քաղաքացի տեղափոխվել է Գորայքի ժամանակավոր հենակետ

Փետրվարի 10-ին, ժամը 12:36-ին Սյունիքի մարզային ճգնաժամային կառավարման կենտրոն ահազանգ է ստացվել, որ Ծղուկ գյուղի ավտոճանապարհին ավտոմեքենան դուրս է եկել երթևեկելի հատվածից և հայտնվել ձորի եզրին: Երթևեկությունը դարձել է միակողմանի:

Այս մասին տեղեկացնում է ՀՀ ԱԻ նախարարությունը:

Պարզվել է, որ «Բոչկայի ձոր» կոչվող տարածքում բախվել է 6 ավտոմեքենա, ինչի հետևանքով «Volvo» մակնիշի բեռնատարի (վարորդ՝ Ն. Ա.) կցորդիչը կախվել է դեպի ձորը: Մոտակայքում մոտ 60 տրանսպորտային միջոց արգելափակվել է: Տուժածներ չկան:

Փրկարարները ոստիկանության և ՃՇՇ-ի աշխատակիցների հետ «Volvo» մակնիշի բեռնատարը դուրս են բերել ճանապարհի երթևեկելի հատված, արգելափակումից դուրս բերել մոտ 68 ավտոմեքենա և 15 քաղաքացու տեղափոխել Գորայքի ժամանակավոր հենակետ: Երկկողմանի երթևեկությունը վերականգնվել է։