Երևանում Nissan Pathfinder-ը տապալել է ծառն ու գլխիվայր շրջվելով՝ բախվել Kia-ին ու գյուղապետի Нива-ին. կա 4 վիրավոր

Երեւանում, այսօր՝ մարտի 2-ին, խոշոր ավտովթար է տեղի ունեցել. ժամը 14։35-ի սահմաններում Nissan Pathfinder մակնիշի ավտոմեքենան Թևոսյան փողոցում՝ «Պառնաս» ռեստորանային համալիրի դիմաց, դուրս է եկել ճանապարհի երթևեկելի գոտուց, բախվել բաժանարար գոտում եղած ծառին, տապալել այն, ապա առաջ ընթանալով՝ գլխիվայր շրջվել և բախվել ճանապարհի թույլատրելի հատվածում կայանված Kia և ՎԱԶ 221 մակնիշի ավտոմեքենաներին։ 

Shamshyan.com-ի հաղորդմամբ, վթարի հետևանքով 4 հոգի մարմնական վնասվածքներով տեղափոխվել են՝ 2 անչափահաս տղաներ՝ «Սուրբ Աստվածամայր» բժշկական կենտրոն, 2 հոգի էլ՝ թիվ 1 հալսարանական հիվանդանոց։ 

Մինչ պարեկների ժամանումը, Nissan-ի վրայից համարանիշները հանել էին, սակայն  տեղում ուժեղացված ծառայություն կատարող պարեկներըհայտնաբերեցին համարանիշները, որոնք տեղադրվեցին Nissan-ի վրա:

Պարեկային ծառայությունը պարզում է վարորդի և վիրավորների ինքնությունը։  Դեպքի վայրում հավաքվածերն ասում էին, որ վարորդը անչափահաս տղա է եղել, ում նույնպես տեղափոխել են հիվանդանոց։  Կայանված Նիվան էլ մարզերից մեկի գյուղապետի ավտոմեքենան է։