Wildberries-ը վերացրել է բջջային հավելվածների և կայքի աշխատանքի խափանումների ավելի քան 90 տոկոսը․մանրամասներ կազմակերպությունից

Wildberries-ի տեխնիկական մասնագետները վերացրել են բջջային հավելվածների և կայքի աշխատանքի խափանումների ավելի քան 90 տոկոսը, հայտնել են ընկերությունում։ Մնացած տեխնիկական խնդիրները մոտ ապագայում կվերացվեն, հայտնում է կազմակերպությունը։

Wildberries-ի կողմից տրամադրված Downdetector-ի տվյալների համաձայն՝ հավելվածների և կայքի աշխատանքի սխալների թիվը մարտի 16-ի առավոտվա դրությամբ մարտի 14-ի համեմատ նվազել է 16 անգամ։ Ամենատարածված խնդիրները, որոնցից օգտատերերը դժգոհում էին, պատվերին հետևելն էր (60 տոկոս), հավելվածի աշխատանքը (29 տոկոս) և վեբ կայքի աշխատանքը (11 տոկոս):

Ընկերությունը միջադեպի հետ կապված ներքին հետաքննություն էր սկսել մարտի 14-ին, որը խափանումների էր հանգեցրել բջջային հավելվածների և կայքի աշխատանքում, ասվում է առցանց ռիթեյլերի հայտարարության մեջ: Հետաքննության արդյունքներով նյութերը կփոխանցվեն իրավապահ մարմիններին։ Ընկերությունը միջադեպի մասին տեղեկացրել է նաեւ կարգավորող մարմինների ներկայացուցիչներին։

Wildberries-ը նաև հայտնել է, որ պատշաճ որակի ապրանքների վերադարձման վերջնաժամկետը երկարացվել է հանձնման կետերի կամ առաքման ծառայության միջոցով, իսկ հանձնման կետերում ապրանքների պահպանման ժամկետն ավտոմատ կերպով ավելացվել է: Պատվերների ընդունումը հնարավոր է ինչպես ծածկագրերով, այնպես էլ անձը հաստատող փաստաթղթի ներկայացմամբ։ Wildberries.ru կայքի բջջային հավելվածներում հաճախորդներին հասանելի են պատվերների ձեւակերպման եւ վճարման, ընթացիկ պատվերի կարգավիճակի ցուցադրման գործառույթները եւ պատվեր ստանալու կոդը: Պատվերների հանձնման կետերը շարունակում են աշխատել բնականոն հունով:

Օգտատերերի անձնական եւ ֆինանսական տվյալները ապահով կերպով պաշտպանված են, վստահեցրել է Wildberries-ը։