Վթար Տավուշի մարզում. 19-ամյա վարորդը 07-ով վրաերթի է ենթարկել 9-ամյա տղա երեխայի

Այսօր՝ ապրիլի 13-ին, վրաերթ է տեղի ունեցել Տավուշի մարզում: Ժամը 15:10-ի սահմաններում Այգեձոր բնակավայրում նույն բնակավայրի բնակիչ, 19-ամյա Սերգեյ Չ.-ն իր վարած ВАЗ 2107 մակնիշի ավտոմեքենայով վրաերթի է ենթարկել Այգեձոր բնակավայրի բնակիչ, 9-ամյա Ռուբեն Չ-ին: Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկվածին տեղափոխել «Այգեձոր» ամբուլատոր կենտրոն:

Դեպքի վայր են ժամանել ճանապարհային ոստիկանության  2-րդ սպայական գումարտակի 4-րդ վաշտի 2-րդ դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Կարեն Աբազյանի գլխավորությամբ: Դեպքի մասին ՃՈ 177 օպերատիվ կառավարման կենտրոնի պատասխանատու հերթապահ Միհրան Միրզոյանը տեղեկությունը փոխանցել է Հայաստանի քննչական կոմիտեի Տավուշի մարզային քննչական վարչության Բերդի քննչական բաժին, որտեղից ժամանել է քննչական խումբը՝ ավագ քննիչ Ա. Ավետիսյանի գլխավորությամբ, ում կողմից փաստի առթիվ նյութեր են նախապատրաստվում: Քննիչի որոշմամբ ավտոմեքենան տեղափոխվել է ոստիկանության Տավուշի բաժնի պահպանվող հատուկ տարածք: 

Ավելին