Քաղաքագետ Մալաշենկոն կանխատեսել է Ղարաբաղի շուրջ նոր ռազմական հակամարտության հնարավորությունը
Ridus.ru-ն գրում է, որ Ադրբեջանի նախագահ Իլհամ Ալիևը հայտարարել է, որ Բաքուն կհրաժարվի ճանաչել Հայաստանի տարածքային ամբողջականությունը, եթե նա չստորագրի խաղաղության պայմանագիրը՝ հիմնված Ադրբեջանի առաջարկած սկզբունքների վրա։ Դա սպասելի էր, ասել է քաղաքական վերլուծաբան Ալեքսեյ Մալաշենկոն «ridus»-ի հետ զրույցում։
«Ադրբեջանն իրեն հաղթող է համարում։ Նա ավելի քիչ համակերպվող է։ Իսկ Փաշինյանի համար զիջումները նրա վարչապետության ավարտը կլինի, քանի որ Հայաստանում դեռևս կա հասարակության մի զգալի հատված, որը չի պատրաստվում որևէ զիջման գնալ Ադրբեջանին։ Թե ինչպես կպահի իրեն այդ հատվածը՝ մենք չգիտենք»,- բացատրել է նա:
Ըստ փորձագետի՝ իրավիճակն արմատապես չի փոխվի, բայց շատ բան կախված կլինի ադրբեջանցիներից. նրանք իրենց հաջողությունները պետք է համարեն բավարար, սակայն մինչ հիմա նման բան չի նկատվում։
«Սա կրկին փակուղի է, բայց ոչ այնպիսի, որը կարող է հանգեցնել ռազմական գործողությունների վերսկսման: Ադրբեջանի համար նպատակահարմար չէ գնալ Հայաստանի վրա: Առավել ևս Հայաստանի համար էլ նույնը նպատակահարմար չէ, քանի որ, իհարկե, ռազմական առումով նա հիմա շատ է զիջում և զիջելու է Ադրբեջանին»,- ասել է քաղաքագետը։
Մալաշենկոն հիշեցրել է, որ Լեռնային Ղարաբաղի գրեթե 70%-ն արդեն գտնվում է ադրբեջանական ուժերի վերահսկողության տակ։ Հայաստանին անհրաժեշտ է արտաքին աջակցություն հակամարտությունն իր օգտին շրջելու համար։ Նիկոլ Փաշինյանի վերջին այցը Մոսկվա նույնպես չի ազդել ուժերի հարաբերակցության վրա. Ռուսաստանը հիմա կենտրոնացած է Ուկրաինայի վրա:
«Այն, ինչ հիմա կատարվում է Ուկրաինայում, այնպիսի ֆոն է, որի վրա տեղի է ունենում մնացած ամեն ինչը։ Եվ դա հաշվի են առնում բոլորը՝ Հայաստանում, Ադրբեջանում և Թուրքիայում։ Հիմա դժվար է որոշակի ասել, թե ինչպես կզարգանա հակամարտությունը Ղարաբաղի շուրջ, բայց այն այլևս վակուումի մեջ չէ», - ամփոփել է «ridus»-ի զրուցակիցը։
Նյութը հրապարակման պատրաստեց Կամո Խաչիկյանը
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Կառավարությունը TRIPP-ով փորձո՞ւմ է քողարկել Խաղաղության պայմանագրի ստորագրման իր ձախողումը․ Իրինա Յ...
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
Ինչո՞ւ է կառավարությունը հանրությունից թաքցնում, թե Հայաստանի Հանրապետության տարածքի կոնկրետ ո՞ր հատ...
Ադրբեջանն անընդհատ ձգձգելու է խաղաղության պայմանագրի ստորագրումը․ Նարեկ Կարապետյան
Թվային ապագա և կայուն զարգացում․ IDBank-ի Վարչության նախագահի հարցազրույցը Forbes ամսագրին
TRIPP երթուղին անվտանգ չէ Հայաստանի համար․ Ուժեղ Հայաստան