Այգեձորի վարչական ղեկավարը հերքում է գյուղում կրակոցների մասին լուրը
Այսօր մամուլում տեղեկություն էր տարածվել, որ ապրիլի 23-ին ժամը 18:30-ի սահմաններում ոստիկանության Տավուշի բաժին ահազանգ է ստացվել, որ Այգեձոր բնակավայրի տներից մեկում կրակոց է հնչել:
Ոստիկանները պարզել են, որ նույն օրը՝ ժամը 17:30-ի սահմաններում, նույն բնակավայրի բնակիչ, 37-ամյա Լուսինե Դ.-ի տան բակում վիճաբանության ժամանակ վերջինս «Տիր» տիպի օդամղիչ զենքով կրակել է նույն բնակավայրի բնակիչ, 30-ամյա Սանասար Ա.-ի ուղղությամբ:
1or.am-ը կապ հաստատեց Այգեձորի վարչական ղեկավար Լորիս Միրզոյանի հետ՝ պարզելու դեպքի մանրամասները: Վերջինս խիստ զարմացավ մեր հարցից և նշեց, որ առաջին անգամ է լսում.
«Անկեղծ ասած՝ այդ օրերին ես հիվանդանոցում եմ եղել, բայց ներքին գործերի բաժին էլ եմ զանգել, նման բան գոյություն չունի: Հնարավոր է՝ Այգեպարի փոխարեն Այգեձոր գրած լինեն, համենայն դեպս, դեպքը մեզ մոտ չի եղել»:
Մենք զանգահարեցինք Այգեպար բնակավայրի վարչական ղեկավար Արկադի Յամուկյանին, ով նույնպես ասաց, որ իրենց գյուղում նման դեպք չի եղել:
Ոստիկանության Տավուշի բաժնից էլ մեզ տեղեկացրին, որ սխալմունք է եղել.
«Այդպիսի բան չի եղել, երևի ինչ-որ մեկը կեղծ լուրեր է տարածել, մենք այդպիսի տեղեկատվություն չունենք»:
Մարիամ Նալբանդյան
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր