Խնդիրն այն է, որ Չալաբյանը մյուսների նման «նիկոլ» հայհոյող չէ. Գագիկ Գինոսյան
Ավետիք Չալաբյանը կշարունակի մնալ կալանավորված։ Օրերս վերաքննիչ քրեական դատարանը՝ դատավոր Արմեն Դանիելյանի նախագահությամբ, մերժեց Ավետիք Չալաբյանի նկատմամբ կալանավորումը որպես խափանման միջոց ընտրելու մասին որոշման դեմ պաշտպանների բողոքը՝ անփոփոխ թողնելով առաջին ատյանի դատարանի որոշումը։
Մշակութաբան Գագիկ Գինոսյանը Չալաբյանի դեմ սկսված հետապնդումը ծիծաղելի է համարում. «Ավետիք Չալաբյանին երկար տարիներ ճանաչում եմ և բախտ եմ ունեցել նաև աղջկան դպրոցում դասավանդելու, իրեն նաև որպես ծնող ճանաչելու։ Եզակի մտավորական հայ տեսակ է, եզակի մաքրությամբ մարդ, ինչը նաև իր երեխայի մեջ է երևում։ Չալաբյանն ու իր կինը՝ Անահիտ Ադամյանը, Ազգային երգի-պարի ակադեմիայի աջակիցներից են եղել, կինը նաև եղել է հոգաբարձուների խորհրդի անդամ։ Եվ բացի ազգային մշակույթին աջակցելուց, սատարելուց, ես որևէ բան չեմ նկատել, որ կարող է ինձ ենթադրության բերել, որ նա կարող է կաշառքով զբաղվել։ Ինձ համար, գոնե, ծիծաղելի է այս ամենը։ Լինելով մշակութաբան՝ ուսումնասիրում եմ նաև ազգային, մարդկային հոգեբանություն և ուղղակի վստահ եմ, որ չեմ կարող սխալված լինել նրա հոգեբանության մեջ, որովհետև մարդկանց ավելի քան ճանաչում եմ, և դա տասնամյակների փորձառություն է».- 1or.am-ի հետ զրույցում ասաց մշակութաբանը։
Գինոսյանը վստահ է՝ Չալաբյանի կալանավորումն ուղղակի բերան փակելու, լռեցնելու միջոց է. «Տարօրինակորեն լռեցնում են ոչ թե ճամարտակներին, հայհոյախառն խոսողներին, այլ այն մարդկանց, ովքեր իրենց անբիծ կենսագրությամբ և շատ տրամաբանված, խելամիտ խոսքով կարող են ժողովրդին համոզել ինչ-ինչ հարցերում։ Թերևս խնդիրը հենց սա է, որ Չալաբյանը մյուսների նման «նիկոլ» հայհոյող չէ, այլ ազգային խնդիրների շատ հստակ և հզոր տրամաբանությամբ տաղանդավոր վերլուծաբան է։ Դա ուղղակի սարսափ է տարածում, որովհետև հայհոյողի դեմ կարելի է հայհոյել, բայց Չալաբյանը ոչ միայն կենսագրության մեջ ինչ-որ խոցելի դրվագ չունի, այլև տրամաբանված վերլուծական մտքեր է արտահայտում, ինչը, իսկապես, սարսափելի է օրվա իշխանության համար։ Եվ այդ մտքերի դեմ միակ հակափաստարկը պարզապես լռեցնելն է, և Չալաբյանի կալանավորման գաղտնիքը հենց դրանում է»։
Մարիամ Նալբանդյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ