Ռուսաստանն անցնում է ռազմական դրության

Lragir.am-ը գրում է.

ՌԴ Կառավարությունն առաջարկում է իշխանություններին թույլատրել հարկադրել բիզնեսին պետական ​​պատվերներին՝ ելնելով բանակի և հատուկ ծառայությունների շահերից։ Իսկ աշխատակիցներին՝ աշխատել գիշերը

ՌԴ Նախարարների կաբինետը հունիսի 30-ին Պետդումա է ներկայացրել օրինագիծ, որով առաջարկվում է կառավարությանը ստիպել բիզնեսին կատարել կառավարության պատվերները Ռուսաստանի սահմաններից դուրս «հակաահաբեկչական գործողությունների» համար։ Այն ստորագրել է վարչապետ Միխայիլ Միշուստինը, տեղեկացնում է ։

Բացատրական գրության մեջ բաց տեքստով ասվում է, որ պատերազմի համար բավարար ռեսուրսներ չկան. «հատուկ գործողության պայմաններում ԴԺՀ, ԼԺՀ եւ Ուկրաինայի տարածքում առաջանում է սպառազինության եւ ռազմական տեխնիկայի վերանորոգման անհրաժեշտություն։ Հաշվի առնելով պատժամիջոցները, պահանջվում է ժամանակավորապես ջանքերը կենտրոնացնել առանձին ոլորտներում»։

Դրա համար կառավարությանը պետք է իրավունք տրվի «հատուկ միջոցներ ձեռնարկել տնտեսական ոլորտում»։ Ի թիվս այլ բաների, այն կկարողանա ներգրավել ձեռնարկություններին աշխատելու «սահմանված աշխատանքային ժամերից դուրս»՝ գիշերը, տոն օրերին և հանգստյան օրերին: Եվ որպեսզի աշխատանքային օրենսգրքի հետ հակասություններ չլինեն, այն պետք է փոփոխության ենթարկվի։

Բիզնեսի համար անհնար կլինի հրաժարվել նման պատվերներին մասնակցելուց՝ «անկախ դրա կազմակերպաիրավական ձևից»։ Իսկ պատվիրատուն՝ ՊՆ-ն, Անվտանգության դաշնային ծառայությունը, Արտակարգ իրավիճակների նախարարությունը և Ռոսգվարդիան, կարող են հընթացս փոխել պայմանագրի պայմանները՝ ավելացնել ապրանքների ծավալը, փոխել գինը։

Սա կարելի է համարել տնտեսությունը եւ պետական համակարգը ռազմական ռելսերի փոխադրման մեկնարկ, որի մասին խոսակցություններ են գնում տարբեր շրջանակներում։ Ուկրաինայում խոշոր կորուստներն անխուսափելի են դարձնում այս ընթացքը։ Կրեմլը խուսափում է հայտարարել ռազմական դրություն եւ մոբիլիզացիա, սակայն դա կատարվում է «սողացող մեթոդներով»։ Կառավարության այս նախաձեռնությունը ռազմական դրությանը բնորոշ քայլ է։