«Դատավոր Մացոն» և փաշինյանական արդարադատությունն ընդդեմ Ավետիք Չալաբյանի
Երևանի ընդհանուր իրավասության դատարանում երեկ մեկնարկել է «ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանի դատաքննությունը։ Ինչպես և կանխատեսելի էր, դատավոր Մնացական Մարտիրոսյանը մերժեց Չալաբյանի փաստաբանների բոլոր միջնորդությունները, իսկ դատավարությունը տարավ բացառապես անընդունելի ճանապարհով, այնպես, որ նույնիսկ Հայաստանում իրավական «բեսպրեդելի» բազմաթիվ դեպքեր արձանագրած իրավապաշտպանները չէին կարողանում զսպել իրենց զարմանքը։
Չալաբյանի փաստաբանները ստիպված եղան լքել նիստերի դահլիճը, իսկ Մնացական Մարտիրոսյանը փաստն արձանագրելու և սեփական խնդիրները շտկելու փոխարեն նրանց նկատմամբ նախ փորձեց սանկցիա կիրառել, ապա և Չալաբյանին փորձում էր պարտադրել, որպեսզի վերջինս դիմի հանրային պաշտպանի գրասենյակին՝ հանրային պաշտպան ներգրավելու նպատակով։
Չալաբյանը հայտարարեց, թե նիստի ընթացքում իր պաշտպանները դեմարշ են հայտարարել հենց դատավորի գործողություններին և հեռացել նիստերի դահլիճից։ Իր պաշտպանական իրավունքը պետք է վերականգնի ամբողջ ծավալով, այսինքն պետք է իրեն տրամադրվեն գործի 4 հատորները, որոնք մինչ օրս՝ դատաքննության սկիզբը, որևէ կերպ չեն փոխանցվել պաշտպանական կողմին։ Եվ նա նշեց, թե իր պաշտպանությունը պետք է իրականացնեն իր փաստաբանները, այլ ոչ թե որևէ հանրային պաշտպան։
Չալաբյանը նաև հայտարարեց, թե իր ազատազրկման գտնվելու ժամանակ Ազգային ժողովը գաղտագողի ընդունել է ընթացակարգեր։ Մնացական Մարտիրոսյանը անմիջապես ընդհատեց նրա խոսքը, հայտարարեց, թե նա քաղաքական հայտարարություններ է անում, և առայժմ դրա ժամանակը չէ։ Սեփական ապօրինությունները ի ցույց դնելուց հետո դատավորը հետաձգեց նիստը մինչև այսօր։
Առաջին իսկ նիստը ապացուցեց, որ Մնացական Մարտիրոսյանը մտադիր չէ այս գործով արդարադատություն իրականացնելու, այլ ամեն գնով կատարելու է գործող իշխանությունների հրահանգները։ Մարտիրոսյանը, որ նույնիսկ ժամանակին այսօրվա բազմաթիվ իշխանականների գործերով դատավոր է եղել, վաղուց ապացուցել է՝ իր համար կարևոր չեն ո՛չ գաղափարները, ո՛չ սկզբունքները, ո՛չ էլ առավել ևս իրավունքը։ Նա պատրաստ է դատել ցանկացածին, միայն թե իրեն թողնեն դատավորի պաշտոնում։
Նարեկ Կարապետյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ