«Քրիստոսի արձանը մեծ կարևորություն է ունենալու ոչ միայն Հայաստանի,այլ նաև համայն հայության համար»
Քրիստոսի մոնումենտալ արձանի տեղադրման թեմայի շուրջ զրուցեցինք Ազատան և Ձիթյանքով համայնքների հոգևոր հովիվ,փոխժողովրդապետ Տեր Միքայել Դոմբուրյանի հետ
— Քրիստոսի մոնումենտալ արձանի տեղադրումը,գլոբալ իմաստով,ի՞նչ նոր հորիզոններ է բացելու երկրի կրոնա-մշակութային վերելքի համար։
-Այս նախաձեռնությունը օգնելու է մեզ,որ մենք վերադառնանք մեր քրիստոնեական հավատքին։Խորհրդային ժամանակաշրջանում շատ հեռացած էինք,եկեղեցիները փակված էին,պատարագ չեր մատուցվում։Սա մեզ և մեր ժողովրդին կհիշեցնի,որ մենք պետք է դառնանք Քրիստոսի ճշմարտության ճանապարհը,որ ինքն եկավ և մեզ համար իրեն զոհեց։Քրիստոսի մոնումենտալ արձանը այդ ամենի հիշեցման միջոց է դառնալու։Ճիշտ այնպես,ինչպես սրբապատկերներն են,երբ դնում ենք տանը՝չենք համբուրում,չենք խոնարհվում:Այդպես էլ արձանն է լինելու։Այն մեզ օգնելու է,որպեսզի ավելի խորանանք ճշմարտության մեջ։Շատ աղվոր նախաձեռնություն է։
-Ամեն մի երկիր,ամեն մի քաղաք,ունի իր այցեքարտը,իր սիմվոլը։Հնարավոր համարու՞մ եք,որ Քրիստոսի մոնումենտալ արձանը ևս դառնա Հայաստանի գլխավոր այցեքարտը,մեր խորհրդանիշերից մեկը։
-Այո,իսկ ինչու՞ ոչ։Որովհետև նպատակը որ կա՝հենց բուն արձանը չէ,այլ Հիսուսի անունն է։Քրիստոսի ներկայությունը՝մեր և աշխարհի այլ ժողովուրդներին ցուցադրելու հնարավորություն է ստեղծվելու։Ինչպե՞ս կարելի է այս ամենին ընդդիմանալ։Շատ ողջունելի է։
-Տեր Միքայել,սփյուռքից և մասնավորապես լիբանանահայերի կողմից կան շատ դրական արձագանքներ՝պ-ն Գագիկ Ծառուկյանի այս հայրենանվեր նախաձեռնության կապակցությամբ։Ի՞նչ կարևորություն ունի արձանի տեղադրումը սփյուռքի համար։
-Ես ինքս լիբանանահայ եմ,տեսեք,Բեյրութում կա տեղադրված Մայր Աստվածածնի մեծ արձանը։Այն բարձունքի վրա է գտնվում և աշխարհի բոլոր երկրներից մարդիկ գալիս են այնտեղ,աղոթքներ են մատուցում։Կան մեծ թվով զբոսաշրջիկներ։Ուխտի հատուկ օր կա,այն նշվում է մայիսի 1-ին։Մարդիկ քայլելով գալիս կտրում են 10-20 կմ.,մինչև որ հասնում են ուխտատեղի։Մենք էլ որ էստեղ ունենանք Քրիստոսի մոնումենտալ արձանը,որը կսռուցվելու է պ-ն Ծառուկյանի հովանավորությամբ,շատ լավ կլինի։Այնպես որ ողջունում և իմ օրհնանքն եմ տալիս այս նախաձեռնությանը։
Զրուցեց՝Արթուր Օգանեզովը
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Երևանում և մարզերում լույս չի լինի. հասցեներ
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Իշխանությունների թիրախում են ակտիվ արցախցիները. «Հրապարակ»
Հայաստանի հետ մեզ հակադրելու փորձերը ձախողվելու են․ Վրաստանի վարչապետ