Մահացել է 29-ամյա Նիկոլայ Մուշեղյանը. Հայտնի է պատճառը

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Անցյալ շաբաթ Պուերտո Ռիկոյում մահացած են գտել MakerDAO կրիպտոարժույթների վարկավորման հարթակի և Dai-ի (DAI) համահիմնադիր Նիկոլայ Մուշեղյանին։

Մուշեղյանը մահացել է Սան Խուանի Կոնդադո լողափում ծովային հոսանքների հետևանքով խեղդվելու հետևանքով, հաղորդում է տեղական El Nuevo Día թերթը: Նշվում է, որ նրա դին հայտնաբերվել է:Տեղի խանությունները դժբախտ դեպքի մասին հայտնել են հոկտեմբերի 28-ի առավոտյան։ Ըստ ոստիկանության հաղորդագրության՝ Մուշեղյանը Սան Խուան քաղաքի բնակիչ էր։ Հաղորդվում է, որ դեպքի վայրը հետաքննել են Սան Խուանի սպանությունների ջոկատը և տեղի դատախազությունը:

Մուշեղյանը կարևոր դեմք է եղել կրիպտոարժույթների համայնքում, ներգրավված է մի շարք արդյունաբերական նախագծերում, և ոմանք նրան անվանում են «DAI ճարտարապետ»: 29-ամյա կրիպտոարժույթ մշակողը նաև Balancer ավտոմատ մարկետմեյքեր ընկերության համահիմնադիրն է։

MakerDAO-ի հիմնադիր և գործադիր տնօրեն Ռունե Քրիստենսենը հոկտեմբերի 31-ին թվիթերյան իր էջում գրել է, որ Մուշեղյանը կարևոր ներդրում է ունեցել Maker-ի զարգացման գործում և կարևոր աշխատանք է կատարել Ethereum-ի առաջին օրերից սկսած: