«ՀԱՄԱԽՄԲՈՒՄ» շարժման խորհուդը հայտարարում է՝ գործող վարչակազմի հեռացումը շարունակում է մնալ մեր քաղաքական օրակարգի առանցքում
2018թ-ից ՀՀ-ում իշխանությունը զավթած քաղաքական վարչակարգի պարագլուխն այսօր հերթական դավաճանական քայլը կատարեց՝ հայտարարելով, որ ճանաչում է Արցախն Ադրբեջանի կազմում։ Սա դավաճանություն է ընդդեմ հայության և նրա քաղաքական ու ազգային շահերի։
Ադրբեջանի շահերը ներկայացնող ՀՀ դե-ֆակտո իշխանությունը՝ իր պարագլխի հետ միասին, մեր հայրենիքը դրել է վաճառքի և ցանկանում է այսպիսով շահել իր հովանավորների՝ Բաքվի և Անկարայի համակրանքը։ Նիկոլ Փաշինյանի վարչակազմը 5 տարի շարունակ զբաղվում է հայության դիմադրողականության ոչնչացմամբ՝ պատերազմի սպառնալիքներով և դավաճանական հայտարարություններով փորձելով վախեցնել ու բարոյալքել համայն հայությանը։
«ՀԱՄԱԽՄԲՈՒՄ» շարժման խորհուդն այս կապակցությամբ հայտարարում է՝ գործող վարչակազմի հեռացումը շարունակում է մնալ մեր քաղաքական օրակարգի առանցքում, ինչը հայոց պետականությունը ոչնչացումից փրկելու միակ ճանապարհն է։ Ավելին, հայտարարում ենք, որ Նիկոլ Փաշինյանն իրավասություն չունի միանձնյա որոշելու Արցախի ճակատագիրը, և նրա վարած արկածախնդիր քաղաքական ուղեգծին պետք է ցուցաբերել հանրային լայն դիմակայություն։
Այս պայմաններում Արցախն Ադրբեջանի կազմում ճանաչելու գործողությունների քրեականացումը դառնում է օրախնդիր։
«ՀԱՄԱԽՄԲՈՒՄ» շարժումն իր գործընկերների հետ մայիսի 23-ից սկսում է քաղաքական անժամկետ գործողություններ, որոնց նպատակն է ծավալել համաժողովրդական շարժում այս ուղղությամբ և հասնել գործող վարչակարգի հեռացմանը: Կոչ ենք անում ազգային քաղաքական ուժերին, հասարակական միավորումներին միավորվել՝ վիժեցնելու Նիկոլ Փաշինյանի հակապետական ու հակազգային ծրագրերը:
«Համախմբում» շարժման խորհուրդ
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Հայաստանում գյուղատնտեսությունն այս տարի շեշտակի անկում է ապրել. Նարեկ Կարապետյան
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
Կառավարությունը TRIPP-ով փորձո՞ւմ է քողարկել Խաղաղության պայմանագրի ստորագրման իր ձախողումը․ Իրինա Յ...
Նախ՝ խաղաղության պայմանագիր, հետո՝ TRIPP․ դրա վաղաժամ իրականացումը բխում է Ալիևի շահերից. Իրինա Յոլյ...
Թվային ապագա և կայուն զարգացում․ IDBank-ի Վարչության նախագահի հարցազրույցը Forbes ամսագրին
Մեկնարկում է հայտերի ընդունումը․ «Հայ Վիրտուոզներ» միջազգային ակադեմիա-փառատոն 2027