Պղնձաձուլարանի կառուցմանն ընդառաջ ԶՊՄԿ–ում լայնածավալ վերազինումներ են ընթանում (ֆոտո)
Զանգեզուրի պղնձամոլիբդենային կոմբինատը նպատակ ունի առաջիկա տարիներին տեղում պղնձի ձուլում իրականացնել, ինչի նպատակով իրականացվում են լայնածավալ վերազինման, արտադրության արդյունավետության բարձրացման աշխատանքներ և աստիճանաբար ավելացվում են արդյունահանման ծավալները։
Նոր պղնձաձուլարանի կառուցման պլանների մասին ԶՊՄԿ հիմնական բաժնետեր «Գեոպրոմայնինգ» ընկերությունների խումբը հայտարարել էր դեռևս 2021 թվականին։
Ներկայում իրականացվող աշխատանքներն և ընդլայնման ծրագրերը ԶՊՄԿ 70-ամյակի առթիվ կազմակերպված շրջացի ընթացում լրագրողներին ներկայացրին կոմբինատի ներկայացուցիչները։
«Ներկայումս տարեկան արդյունահանվում է 22 մլն տոննա հանքաքար, նախատեսվում է արդյունահանման ծավալը հասցնել 30 մլն տոննայի»,- ասաց կոմբինատի բացահանքի պետ Արմեն Հարությունյանը։
Արտադրության արդիականացման նպատակով ԶՄՊԿ-ն այժմ ձեռք է բերում տարբեր երկրների արտադրության ժամանակակից տեխնիկա։ Անցյալ տարվա ընթացքում ձեռք են բերել 16 Komatsu ֆիրմայի մեքենա և 4 էքսկավատոր։
«Մեր մասնագետները նախորդ շաբաթ գտնվում էին ԱՄՆ-ում, ինչի ընթացքում ձեռք ենք բերել ավելի քան 3 մլն ԱՄՆ դոլար արժողությամբ խտացուցիչ, որը մեզ թույլ կտա պոչամբարների ջուրը շրջապտույտի մեջ գցել և կրկնակի օգտագործել,ինչի շնորհիվ կհասնենք ջրային ռեսուրսների խանյողաբար օգտագործման և արդյունավետության բարձրացման։
Բացի այդ, ավելի քան 4 մլն․ դոլար արժողությամբ պայմանագիր ենք կնքել, որը թույլ կտա ավտոմատացնել ամբողջ գործարանը։ Դրա շնորհիվ կկարողանանք ևս մեկ քայլով բարելավել արդյունավետությունը՝ աշխատանքի անվտանգության և մետաղների կորզման տեսակետից։ Ավտոմատացման այդ մեծ համակարգը ևս պլանավորում ենք ներդնել 2024 թվականից»,- ասաց ԶՄՊԿ արտադրական տնօրենի տեղակալ Արտակ Օհանյանը։
Օհանյանը առանձնացրեց տեխնոլոգիական լայնածավալ վերազինման շրջանակներում ձեռք բերված մի քանի նոր սարքավորումներ․ «Բերվել են նոր ֆիննական անալիզատորներ, որոնք իրական ժամանակում ցույց են տալիս հանքաքարում մետաղների պարունակությունը։ Նոյեմբերին Քաջարանում կլինեն նաև ռուսական, չինական և այլ երկրների արտադրության քվոտացման մեքենաներ։ Պլանավորում ենք մինչև 2024 թվականի ավարտը աստիճանաբար սկսել այդ հոսքագծերի ներդրումն արտադրության մեջ։ 3 ամիս առաջ գործարկել ենք մեծ չինական կիսաինքնաաղաց, որի աշխատանքի արդյունավետությունը գնահատելով՝ որոշում է կայացվել ձեռք բերել ևս 3-ը»,- ասաց նա։
ԶՄՊԿ կայուն զարգացման գծով տնօրեն Արմեն Ստեփանյանի խոսքով՝ կոմբինատում ձգտում են աշխատել «զրոյական վնաս» սկզբունքով եւ մեծ ուշադրություն են դարձնում բնապահպանական ռիսկերի կառավարմանը։
«Բնապահպանական միջոցառումներ են իրականացվում և՛ բացահանքում, և՛ կազմակերպության մյուս տարածքներում՝ կախված առկա ռիսկերից և դրանց կառավարման կարիքներից»,- ասաց նա։
Բացահանքում ամենամեծ ռիսկը փոշին է, որի արտանետման կանխարգելման համար ավանդական ջրցան մեքենաներին զուգահեռ այս տարի կոմբինառը ձեռք է բերել ջրային թնդանոթներ՝ դրանց արդյունավետությունը ստուգելու և ապագայում դրանց քանակն ավելացնելու ծրագրերով։
«Պարբերաբար իրականացնում ենք հիդրոօթերևութաբանական մոնիթորինգ։ Ամեն ինչ կառավարվում է և նորմայի մեջ է։ Իհարկե, լինում են դեպքեր, երբ թույլատրելի ցուցանիշները գերազանցվում են, դրանց մասին ևս տվյալներ ենք տրամադրում համապատասխան մարմիններին եւ վերացնում խնդիրը»,- նշեց Ստեփանյանը։
Նշենք, որ Զանգեզուրի պղնձամոլիբդենային կոմբինատը Հայաստանի խոշորագույն հարկ վճարող ընկերություններից է․ 2022 թվականի 12 ամիսների ընթացքում կոմբինատը պետական բուջե է վճարել շուրջ 143,9 մլրդ դրամ (370,8 միլիան ԱՄՆ դոլար) հարկ՝ գլխավորելով խոշորագույն հարկատուների ցուցակը։ 2021 թվականին «Գեոպրոմայնինգ» ընկերությունների խումբը Հայաստանի կառավարությանն էր նվիրաբերել ԶՊՄԿ խոշորագույն բաժնետեր «Արդյունաբերական ընկերության»բաժնետոմսերի 25 տոկոսը։
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Ամերիկյան F-35 կործանիչն իրանական կրակի հետևանքով արտակարգ վայրէջք է կատարել․ CNN
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
Ինչ նվերներ է ստացել Սուրեն Պապիկյանը Իրանի զոհված ՊՆ-ից