«Ապրելու երկիր» կուսակցության թիմը, Կուսակցության նախագահ Մանե Թանդիլյանի գլխավորությամբ միացել է «Հայաքվե» քաղաքացիական նախաձեռնության ստորագրահավաքին

Երևանում «Ապրելու երկիր» կուսակցության թիմը միացել է «Հայաքվե» նախաձեռնության
ստորագրահավաքին

«Ապրելու երկիր» կուսակցության թիմը, Կուսակցության նախագահ Մանե Թանդիլյանի գլխավորությամբ,
այսօր միացել է «Հայաքվե» քաղաքացիական նախաձեռնության ստորագրահավաքին ու ևս մեկ անգամ
ամրագրել այն անքակտելի փաստը, որ Արցախը լինելու, մնալու և ապրելու է հայկական։
«Մենք մեր տասնյակ հազարավոր հայրենակիցների յուրաքանչյուր քաղաքացիական նախաձեռնությանը,
որը միտված է Արցախի համար իրենց անհամաձայնությունը ցույց տալուն, բնականաբար միանում ենք»,-
լրագրողների հետ զրույցում ասել է Մանե Թանդիլյանը։
Նա հայտարարել է՝ Արցախի հարցի լուծման մեկնարկային կետը Հայաստանում իշխանափոխությունն է,
որը սկսվելու է Երևանից։

«Մենք հավատում ենք, որ մեր ժողովուրդը պատրաստ է և ընտրությունների միջոցով կարող է անել
իշխանափոխություն։ Շատ կարևոր ենք համարում, որ ժողովրդի քվեով ցույց տրվի անհամաձայնություն
այսօրվա իշխանություններին»,- ասել է նա։

Հիշեցնենք նաև, որ ավելի վաղ Մանե Թանդիլյանը հայտարարել էր, որ «Ապրելու երկիր»
կուսակցությունը Նոյեմբերյան, Ալավերդի, Տաթև համայնքներում, որպես իշխանություն, օրենքի
շրջանակներում լիակատար աջակցում է նախաձեռնությանը, միևնույն ժամանակ, քաղաքական ուժի
համայնքային թիմերը պատրաստ են աջակցել ստորագրությունների հավաքման մասով։