Մենք միակ ուժն ենք, որը 100 տոկոսանոց քաղաքական օրակարգով է մասնակցում այս ընտրություններին․ Սուրեն Պետրոսյան
«Ժողովրդավարական համախմբում» կուսակցությունը նախընտրական քարոզարշավի շրջանակներում հանդիպեց Երևանի Կենտրոն վարչական շրջանի բնակիչների հետ։ Հանդիպման ընթացքում կուսակցությունը ներկայացրեց իր նախընտրական ծրագրերն ու երկրի առջև ծառացած խնդիրների լուծման ուղիները։
Լրագրողների հետ զրույցի ժամանակ կուսակցության ղեկավար, Երևանի քաղաքապետի թեկնածու Սուրեն Պետրոսյանը խոսեց նաև քարոզարշավի ընթացքում թույլ տված բացթողումներից։
Ըստ Պետրոսյանի, առաջին բաց թողումը եղել է տեսաուղերձների պակասը, քանի որ մինչև քարոզարշավը պետք էր հնարավորինս ավելի պարզ ու մատչելի ներկայացվեին անելիքներն ու խնդիրները։
Սուրեն Պետրոսյանի փոխանցմամբ, երբեք իրենց հիմնական խնդիրը չի եղել ճանաչելի դառնալը, խնդիրը եղել է բովանդակությունը, որոշ ճանապարհ անցնելը, ինչից հետո ճանաչելիությունն ինքնաբերաբար կլինի։
Գրեթե բոլոր վարչական շրջաններում բավականին լավ էր ընդունվում այն, որ «Ժողովրդավարական համախմբում» կուսակցությունը նոր ուժ է, երիտասարդ են, որովհետև մարդիկ իրականում ցանկանում են այս փակ շղթայից դուրս գալ, նոր ուժ տեսնել։ Սակայն կուսակցության ղեկավարի կարծիքով, մարդիկ շատ բծախնդիր են դարձել և միայն նոր ուժ լինելն այլևս առավելություն չէ։
Սուրեն Պետրոսյանի համոզմամբ, անպատասխանատու կլիներ իրենց կողմից, որպեսզի առանց ճանաչելիության ձեռք բերման, խնդրեին, որպեսզի մարդիկ քվեարկեն իրենց օգտին։ Իրենց նպատակն է, որպեսզի մարդիկ ուշադրություն դարձնեն իրենց գործունեությանը։
Երևանի քաղաքապետի թեկնածուի փոխանցմամբ, իրենք միակ ուժն են, որը 100 տոկոսանոց քաղաքական օրակարգով է մասնակցում այս ընտրություններին, առանց քաղաքային կոմպոնենտի ու ինչպես վստահեցնում է Սուրեն Պետրոսյանը, իրենք առաջին ուժն են, որը հանդես է գալիս նման օրակարգով։
«Ժողովրդավարական համախմբում» կուսակցության խորհրդի անդամ Վահե Թորոսյանի փոխանցմամբ, քարոզարշավի հիմնական նպատակն է ներկայացնել օրակարգը և տեսլականը բոլոր հնարավոր միջոցներով և տեխնոլոգիաներով։ Օգտագործելով նաև սոցալական մեդիա դաշտը փորձում են այն դարձնել էլ ավելի հասանելի հասարակությանը, չնայած այն փաստին, որ հասարակության մոտ բարդ է սերմանել տարբեր գաղափարները՝ շատերը հուսալքված են և չեն տեսնում ապագայի ելքը։
Բացի այդ, կուսակցությունը Երևան քաղաքի ընտրությունները դիտարկում է որպես իշխանափոխության հնարավորություն, քանի որ այս ընտրություններով հնարավոր կլինի մասնակիորեն փոխել իշխանությունը։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր