Մենք, որպես հայ մարդիկ, այս ողբերգական օրերին պարտավոր ենք գործել որպես մեկ ընտանիք, և նեցուկ կանգնել մեր տառապյալ քույրերին և եղբայրներին. Ավետիք Չալաբյան
Քաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
Սիրելի բարեկամներ,
Մեր ժողովրդի նկատմամբ գործած անթաքույց ցեղասպանության հետևանքով, այսօր Արցախի մեր բազմահազար քույրերը և եղբայրները, հերոսական բայց անհավասար պայքարից հետո, ողջ աշխարհի լուռ հայացքի ներքո, ստիպված են ևս մեկ անգամ տեղահանվել իրենց հայրենիքից, և տարհանվել Հայաստանի այլ մարզեր, սեփական տները վերադարձի անորոշ հեռանկարով։
Մենք, որպես հայ մարդիկ, այս ողբերգական օրերին պարտավոր ենք գործել որպես մեկ ընտանիք, և նեցուկ կանգնել մեր տառապյալ քույրերին և եղբայրներին՝ կլինի դա օթևան, առաջին անհրաժեշտության իրեր, սնունդ, աշխատանք, երեխաների համար կրթություն, թե ցանկացած այլ կրիտիկական կարիք։ Միայն այդ կերպ մենք կարող ենք մեղմել նրանց ցավը և անհուն կորուստների վիշտը, և հույս տալ նրանց նոր կյանքի։
Մեր ընտանիքը, որպես առաջին քայլ, այսօր հանձնառություն է ստանձնում վեց ամսով ժամանակավոր օթևան տրամադրել Արցախից տեղահանված 10 ընտանիքների՝ Վայոց ձորի մարզի տարբեր գյուղական համայնքներում։ Մեր ընտանիքը համագործակցում է Վայքում գործող Արշակունի ՀԿ-ի հետ, որը կկազմակերպի ժամանող ընտանիքների ընդունելությունը և տեղավորումը։ ՀԿ տնօրեն Արտավազդ Վարդանյանի հետ կարելի է կապվել 094 810 111 հեռախոսահամարով։
Այս հեռախոսը կարող եք փոխանցել բոլոր նրանց, ովքեր աջակցության կարիք ունեն։ Հորդորում եմ նաև ձեզնից յուրաքանչյուրին՝ այս դժվարին օրերին ձեր հնարավորությունների սահմաններում օգնության ձեռք մեկնել մեր քույրերին և եղբայրներին։ Աստված պահապան մեր ժողովրդին, և բոլոր գթասիրտ հոգիներին։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր