Ուժգին երկրաշարժ է եղել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ուժեղ երկրաշարժ է գրանցվել Կամչատկայի հարավ-արևելյան ափերի մոտ։ Արտակարգ իրավիճակների նախարարության տեղական վարչության մամուլի ծառայությունը զգուշացնում է բնական աղետի մասին։

Միջադեպը գրանցվել է Երևանի ժամանակով 04:37-ին։ Էպիկենտրոնը եղել է Ավաչա ծովածոցի ջրերում՝ Պետրոպավլովսկ-Կամչատսկից 66 կիլոմետր հարավ-արևելք հեռավորության վրա։ Աղբյուրը, ըստ Ռուսաստանի գիտությունների ակադեմիայի երկրաֆիզիկական ծառայության Կամչատկայի մասնաճյուղի, եղել է 67 կիլոմետր խորության վրա, իսկ ուժգնությունը կազմել է 5,2 բալ։

Հնարավոր վնասների և այլ հետևանքների մասին տեղեկություններ չկան։ Մինչև 4 բալ ուժգնությամբ ցնցումներ են զգացվել Պետրոպավլովսկ-Կամչատսկում և Վիլյուչինսկում։ Տեղի բնակիչների խոսքով՝ երկրաշարժի ժամանակ ապակիները դղրդացել են, տների պատերի երկայնքով ճաքեր են առաջացել։