Ամիօ ժամանակաշրջան. ստորագրվել է հուշագիր Վ. Բրյուսովի անվան պետական համալսարանի հետ

Ամիօ բանկը և Վ. Բրյուսովի անվան պետական համալսարանը ՙԱմիօ ժամանակաշրջան՚ բարեգործական ծրագրի շրջանակներում ստորագրել են համագործակցության հուշագիր:

Հուշագրի շրջանակներում համալսարանի բարձր առաջադիմություն ունեցող ուսանողները հնարավորություն կունենան մասնակցել Ամիօ ժամանակաշրջան բարեգործական ծրագրին՝ ստանալով ուսման մեկ տարվա վարձավճարի փոխհատուցում բանկի կողմից, ինչպես նաև հետագայում բանկում աշխատելու հնարավորություն:

Ամիօ ժամանակաշրջանը բարեգործական ծրագիր է, որը ներդրումներ է կատարում երիտասարդների ապագայում՝ գիտակցելով, որ թեև կրթությունը ժամանակատար է, այն նաև հնարավորությունների և հաջողությունների հասնելու կարևորագույն ուղին է: 

Այս համագործակցությունը ոչ միայն կթեթևացնի ուսանողների ֆինանսական ծանրաբեռնվածությունը, այլ նաև կխրախուսի նրանց ձգտել գերազանցության իրենց բոլոր նպատակներում:

Ամիօ ժամանակաշրջանը նոր հեռանկարների և հնարավորությունների սկիզբ է ուսանողների համար։

 Հիշեցնենք, որ Ամիօ բանկն իրականացնում է իր առաջին բարեգործական ծրագիրը, որի շրջանակներում ՀՀ տարբեր բուհերի սոցիալապես խոցելի խմբերի բարձր առաջադիմությամբ մինչև 25 ուսանողների կտրվի կրթավճար: 

Ծրագրի մանրամասներին կարող եք ծանոթանալ Amio Era-ի ինստագրամյան էջում՝ https://bit.ly/4duSLKi

Կրթությունը հնարավորություն է…

 Բանկը վերահսկվում է ՀՀ Կենտրոնական բանկի կողմից: