Ուկրաինայի ամբողջ տարածքում օդային տագնապ է հայտարարվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ուկրաինայի ամբողջ տարածքում գիշերն օդային տագնապ էր հայտարարվել։ Այս մասին հաղորդում է ՌԻԱ Նովոստին՝ հղում անելով Ուկրաինայի թվային փոխակերպման նախարարության առցանց քարտեզներին։

Առցանց քարտեզների տվյալներով՝ օդային տագնապի ազդանշանն առաջինը հնչել է Պոլտավայի մարզում Մոսկվայի ժամանակով 01։37-ին (Երևանի ժամանակով՝ 02։37) և մոտ մեկ ժամում տարածվել նաև մյուս մարզերում, այդ թվում՝ Տերնոպոլի շրջանում։ Կիևում ու Կիևի մարզում օդային տագնապ է հայտարարվել մոտավոր ժամը 02։00-ին (Երևանի ժամանակով՝ 03։00)։

Ռուսաստանի զինված ուժերի ուկրաինական ենթակառուցվածքի վրա հարձակումները սկսվել են 2022 թվականի հոկտեմբերի 10-ին՝ Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ըստ Ռուսաստանի իշխանությունների, կանգնած են ուկրաինական հատուկ ծառայությունները։ Հարվածները հասցվում են ամբողջ երկրի էներգետիկայի, պաշտպանական արդյունաբերության, ռազմական հրամանատարության և կապի օբյեկտներին։