Վիկտորյա Բեքհեմի մասին վավերագրական ֆիլմ կնկարահանվի

Դեւիդ Բեքհեմի վավերագրական ֆիլմի թողարկումից գրեթե մեկ տարի անց Վիկտորյա Բեքհեմի ժամանակն է։

Spice Girls-ի 50-ամյա նախկին անդամն այժմ կդառնա նոր վավերագրական ֆիլմաշարի թեման, որը կբացահայտի նրա անցումը փոփ աստղից դեպի նորաձեւության դիզայներ եւ գեղեցկության մագնատ, գրում է Variety-ն: Դեռեւս անանուն նախագիծը ղեկավարում է Դեւիդի 99-րդ պրոդյուսերական ընկերությունը՝ Dorothy St Pictures-ի հետ համատեղ:

«90-ականներին Spice Girls խմբի անդամ լինելու ժամանակներից Վիկտորիա Բեքհեմը եղել է աշխարհի ամենաճանաչված կանանցից մեկը: Նրա շքեղ Spice-ի օրերը գուցե ետեւում են, բայց այսօր Բեքհեմը նորաձեւության կայսրություն կառուցելու ճանապարհին է, եւ այժմ երկրպագուները կարող են տեսնել այդ ամենի հիմքում ընկած պատմությունը»,-ասվում է մամուլի հաղորդագրության մեջ:

Առաջիկա շոուն կկենտրոնանա Վիկտորիայի նորաձեւության եւ գեղեցկության բիզնեսի վրա՝ հեռուստադիտողներին «բացառիկ մուտք» տալով Բեքհեմների ընտանիքին: Վավերագրական ֆիլմը նաեւ կբացահայտի, թե ինչպես է նա կարողանում լինել չորս երեխաների մայր եւ մագնատ: Սերիալն այս պահին ռեժիսոր չունի, իսկ թողարկման ամսաթիվը դեռ հայտնի չէ։