Միշուստինին ուղարկում են պատասխանների ետևից
Ռուսաստանի վարչապետ Միխայիլ Միշուստինը վաղն աշխատանքային այցով կլինի Հայաստանում։ Ռուսաստանի վարչապետի գրասենյակից հայտնում են, թե Միշուստինը Երևանում կմասնակցի Եվրասիական միջկառավարական խորհրդի 40-րդ և Եվրասիական տնտեսական ֆորումի լիագումար նիստերին։ Նշվում է, որ Հայաստանի, Բելառուսի, Ղազախստանի և Ղրղըզստանի իր գործընկերների հետ Միշուստինը կքննարկի «Եվրասիական տնտեսական միության շրջանակներում ինտեգրման խորացման հրատապ խնդիրները»։
Մինչ Երևան այցելելը Միշուստինը գտնվելու է Իրանում, որտեղ այսօր կհանդիպի Իրանի նախագահ Մասուդ Փեզեշքիանի հետ, Մերձավոր Արևելքում աճող լարվածության ֆոնին։ Մոսկվան խստորեն դատապարտել է Լիբանանում Իրանի կողմից աջակցվող «Հեզբոլա»-ի զինյալների վրա Իսրայելի հարձակումները: Իսրայելի վերջին հարձակումներն ու «Հեզբելա»-ի առաջնորդներից Հասան Նասրալայի սպանությունը փոխել են իրերի դրությունը տարածաշրջանում, ընդհուպ մոտեցնելով ռազմական էսկալացիայի հավանականությունը։
Հայաստանն այս պայմաններում դժվար թե կարողանա խուսանավել, վաղ թե ուշ կանգնելու է երկընտրանքի առաջ։ Հատկապես, որ արևմտյան և արևելյան հարևանները ցանկանում են ոչնչացնել ՀՀ-ն, Ռուսաստանն ու Իրանը տարբեր հարցերում ընդհանուր դիրքորոշումներ ունեն, իսկ Վրաստանը գնում է Արևմուտքից պոկվելու, ՌԴ հետ հարաբերությունները կարգավորելու ճանապարհով։
Փաշինյանը, ըստ էության, «բալանսավորման» քաղաքականության մասին հայտարարելով, փորձում է խուսանավել ստեղծված իրավիճակում։ Միշուստինը, թերևս, Փեզեշքիանի հետ հանդիպումից հետո նորություններով կայցելի Երևան, նաև կփորձի պարզել, թե, ի վերջո, ո՞ւմ հետ է իրեն պատկերացնում ՀՀ գործող իշխանությունը։
Անի Ղուկասյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»