Բելառուս ընդդիմադրին կարող են փոխանցել Մինսկին
Հայ-բելառուսական հարաբերությունների՝ արտաքուստ վատթարացման, Ալեքսանդր Լուկաշենկոյի կողմից հակահայկական հայտարարությունների ու Նիկոլ Փաշինյանի «խրոխտ» դեմարշների ֆոնին Հայաստանն ու Բելառուսը լավ էլ համագործակցում են, հատկապես Բելառուս ընդդիմադիր գործիչներին ՀՀ տարածքում հետապնդելու հարցում։
Մինչ փաշինյանական իշխանությունը փորձում է տպավորություն ստեղծել, թե հարաբերությունները ՌԴ-ի, Բելառուսի, ՀԱՊԿ-ի հետ վատացել են, իրականում անում են քայլեր, որոնք չափազանց դժկամությամբ են ընդունվելու «սիրելի» Արևմուտքում։
Բելառուսի հետախուզվող քաղաքացիներին արտահանձնելու մասին գլխավոր դատախազների քննարկումից օրեր անց Հայաստանը մեղադրյալներից մեկին հնարավոր է փոխանցի այդ երկրի իրավապահներին: Աննա Վարդապետյանն ու Անդրեյ Շվեդն անցած շաբաթ Երևանում են հանդիպել, ըստ Մինսկի, քննարկել կասկածյալների կամ դատապարտվածների արտահանձնման հարցը։ 36-ամյա Վլադիմիր Բալանդինի հնարավոր արտահանձնման մասին նրա պաշտպանն է ահազանգել։ Բելառուսի քաղաքացին Բագրատաշենի անցակետում է ձերբակալվել ու արդեն 7 ամիս է՝ անազատության մեջ է: Նա, ըստ Մինսկի, յուրացման համար է մեղադրվում: Մինչդեռ պաշտպանները պնդում են՝ կահույքագործ Բալանդինը հետապնդվում է Բելառուսի նախագահի դեմ կազմակերպած 2020 թվականի ցույցերին մասնակցելու համար:
Բալանդինը միակը չէ, ով արժանանում է նման վերաբերմունքի, Բելառուսի այլ քաղաքացիներ էլ հայտնել են Հայաստանում ձերբակալվելու, արտահանձման գործընթացի օբյեկտ դառնալու մասին։ Եթե մեկ-երկու դեպքերով իրավապաշտպաններին հաջողվել է կանխել փոխանցումը, ապա այս դեպքում, ըստ ամենայնի, գործող իշխանությունները կկայացնեն ընդդիմադիր գործչին հանձնելու որոշում։
Իսկ Փաշինյանն էլ կշարունակի մոլորեցնել Արևմուտքին և սեփական քաղաքացիներին, թե իբր սլանում է դեպի Եվրոպա։ Մինչդեռ, Նիկոլ Փաշինյանի օրոք ՀՀ կախվածությունը Ռուսաստանից բազմակի ավելի է խորացել։
Էվելինա Ոսկանյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ