Տպավորություն է՝ Արցախը հանձնվել է, որովհետև կուսակրոն հոգևորականները խախտել են իրենց ուխտը. մարդը փորձում է ձախողումների համար մեղավորներ որոնել. Արշակ սրբազան
Որևէ տրամաբանական բացատրություն չեմ կարող գտնել այն փաստի համար, որ նման անվտանգային սուր մարտահրավերների պայմաններում իշխանությունները նախաձեռնել են արշավ եկեղեցու դեմ. «Եկեղեցի-պետություն» հիմնախնդիրներին նվիրված քննարկման ժամանակ ասաց Տեր Արշակ արքեպիսկոպոս Խաչատրյանը։
Նրա խոսքով՝ եկեղեցու դեմ ուղղված իշխանական արշավը նոր երևույթ չէ և սկսվել է դեռևս այսպես կոչված հեղափոխությունից հետո։ «Առաջին հերթին մեզ մեղադրում են իբրև թե քաղաքականությամբ զբաղվելու մեջ։ Սա բացարձակապես սխալ մեկնաբանություն է «եկեղեցին պետությունից անջատ է» սկզբունքի վերաբերյալ։ Այդ սկզբունքը ներդրվել է նախ և առաջ՝ պետությունն իշխանությունների ոտնձգություններից պաշտպանելու համար, ոչ թե եկեղեցուն կամ եկեղեցականներին արգելելու՝ իրենց դիրքորոշումը հայտնել հասարակական կարևորագույն գործընթացների վերաբերյալ»,- ասաց արքեպիսկոպոսը։
Նա արձանագրեց, որ եկեղեցին նաև քննադատության է ենթարկվում իբրև թե պատմամշակութային հուշարձանների պահպանության հարցում բավարար ջանքեր չգործադրելու համար։
«Ես վիճակագրություն չեմ ներկայացնի, միայն խնդրում եմ ծանոթանալ՝ Հայաստանի Հանրապետությունում որքան պատմամշակութային հուշարձան կա։ Եթե չեմ սխալվում՝ մոտ 24,000, որոնցից 18,000-ը՝ պաշտամունքային նշանակության։ Այդ 18,000-ից եկեղեցուն հանձնվել է առավելագույնը՝ 600։ Այսինքն՝ եկեղեցին իր սուղ միջոցներով պահում է շուրջ 600 հուշարձան, մնացածի պահպանումը պետության պարտականությունն է, որը, ակնհայտ է, պատշաճ չի իրականացնում։ Եվ հասկանալի է՝ ինչու. ֆինանսական միջոցների պակաս կա։ Օրինակ՝ վերջին յոթ տարիներին պետությունը հուշարձանների պահպանության վրա ծախսել է ընդամենը մոտ 5 միլիոն դոլար։ Համեմատության համար նշեմ՝ միայն Մայր Տաճարի վերականգնման աշխատանքները գերազանցել են 12 միլիոն դոլարը։ Եվ այդ աշխատանքներին այս իշխանությունը որևէ ֆինանսական աջակցություն չի ցուցաբերել»,- ընդգծեց Տեր Արշակը։
Նա նաև անդրադարձավ աղանդավորական կազմակերպությունների դեմ պայքարի վերաբերյալ քննադատություններին։ «Հարցնում են՝ ինչու եկեղեցին արդյունավետ չի պայքարում աղանդավորների դեմ։ Բայց ինչպե՞ս կարող է պայքարել, երբ հենց իշխանություններն են լայնորեն բացել այդ կազմակերպությունների առաջ դռները, խրախուսում են այլասերության քարոզը, կրոնական կազմակերպությունների մարդորսությունը։ Բավական է մի քանի անգամ շրջել Հյուսիսային պողոտայով, որպեսզի տեսնեք նման դրսևորումներ»,-ասաց նա։
Արշակ արքեպիսկոպոսը մեկնաբանեց նաև կուսակրոնության ուխտի շուրջ շրջանառվող քննարկումները։ «Տպավորություն է ստեղծվում, թե Արցախը հանձնվել է կամ տարածքներ ենք կորցրել, որովհետև կուսակրոն հոգևորականները խախտել են իրենց ուխտը։ Սա ուղղակի զավեշտ է։ Ակնհայտ է՝ մարդը փորձում է ձախողումների համար մեղավորներ հորինել»,-եզրափակեց նա։
Գարշահոտ ու հակասանիտարական վիճակ՝ Մալաթիայում
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»