Փաշինյանն ԱԺ ամբիոնից սպшռնաց, հետո գլխավոր դատախազն էլ ափալ-թափալ հագուրդ տվեց այդ սպшռնալիքներին, ինչո՞ւ եք իմ մասով հարցը քննարկման դրել վերջում. Մինասյան (տեսանյութ)
Իմ նկատմամբ քրեական հետապնդման վերաբերյալ միջնորդությունն ինչո՞ւ է ԱԺ օրակարգում քննարկման դրվել որպես վերջին հարց. այս մասին ԱԺ նախագահ Ալեն Սիմոնյանի կողմից Ազգային ժողովի 2025 թվականի հունիսի 17-ին գումարվող հերթական նիստերի օրակարգը ներկայացնելուց հետո հետաքրքրվեց «Հայաստան» խմբակցության քարտուղար Արծվիկ Մինասյանը:
«Եթե չեմ սխալվում 20 օր առաջ էր գործադիր իշխանության ղեկավար Նիկոլ Փաշինյանն այս ամբիոնից սպառնում և քրեական հետապնդման ցուցումներով հայտարարություններ էր անում, որի անհագուրդ ցանկությունը բավարարելու ձգտումով գլխավոր դատախազ Աննա Վարդապետյանը շատ արագ, ափալ-թափալ ներկայացրել է քրեական հետապնդման մասին իմ նկատմամբ միջնորդությունը։ Հաշվի առնելով այդ հրատապությունը՝ Պարո՛ն Սիմոնյան, ինչո՞ւ է դրվել օրակարգի հաջորդականության, որպես վերջին հարց»,- ասաց պատգամավորը:
Մինասյանը հետաքրքրվեց՝ ինչո՞ւ չեն կատարում վարչապետի ցանկությունը;
Սիմոնյանն էլ տեղեկացրեց, որ «Հայաստան» խմբակցության ղեկավար Սեյրան Օհանյանն իրեն նամակ է գրել, որտեղ տեղեկացրել է, որ ինքը ոտքի պրոթեզի չաշխատելու պատճառով չի կարող մասնակցել նիստին:
«Ինչպես գիտեք՝ մենք չենք կարող դատախազի միջնորդությունը քննարկել, երբ որ միջնորդության մեջ ներկայացված անձը դահլիճում չի և բացակայում է հարգելի պատճառներով: Որպեսզի պարոն Օհանյանը հնարավորություն ունենա մասնակցել, դրա համար որոշում է կայացվել այն պահին դնել, երբ որ պարոն Օհանյանը արդեն իսկ կլինի, հնարավորություն կունենա լինել դահլիճում: Հաշվի առնելով, որ նույն հարցի վերաբերյալ երկու միջնորդություն է եղել, նման որոշում է կայացվել»,- ասաց ԱԺ նախագահը:
Մինասյանն էլ հակադարձեց, թե ինքը խոսում է իր նկատմամբ քրեական հետապնդման մասին: «Սա մի երկիր է, որտեղ չի կարող կոլեկտիվ պատասխանատվության գալ, քրեական պատասխանատվության հարց է արծածվում: Ես խոսում եմ ինձ ներկայացված, իմ վերաբերյալ ներկայացված միջնորդության մասին և հորդորում եմ Ձեզ հնարավորինս շուտ դնել քննարկման»,- ասաց Մինասյանը:
«Մեկ ասում եք՝ ափալ-թափալ, մեկ ասում եք՝ եկեք շուտ քննարկենք, նախ կողմնորոշվեք, հիմա ափալ-թափա՞լ եք ուզում, շո՞ւտ եք ուզում, թե՞ չեք ուզում ընդհանրապես»,- ասաց նա:
Ալեն Սիմոնյանը նաև հոդորեց, որ նրանք մասնակցեն խորհդի նիստերին և այդ ժամանակ ասեն իրենց կարծիքը հարցերի քննարկման հերթականության վերաբերյալ:
«Դուք խորհրդի նիստին չեք գալիս, արդեն որերորդ տարին է, գալիս եք 1,000-ից մեկ, կարող եմ ասել, որ դեպքերում եք գալիս, բայց կարծում եմ՝ դուք էլ չեք ուզենա, որ բարձր ասեմ: Իսկ հիմա բողոքում և նեղսրտում եք նրանից, որ մենք օրակարգն այսպես ենք դասավորել, այնպես չենք դասավորել, կարծում եմ առնվազն լուրջ չի, պարոն Մինասյան»,- ասաց Սիմոնյանը:
Գարշահոտ ու հակասանիտարական վիճակ՝ Մալաթիայում
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»