Հայաստանի հանքարդյունաբերության և մետալուրգիայի ասոցիացիան կաջակցի ֆերոմոլիբդեն արտադրողներին
Հայաստանի հանքարդյունաբերության և մետալուրգիայի ասոցիացիայի նախագահ, Զանգեզուրի պղնձամոլիբդենային կոմբինատի գլխավոր տնօրենի առաջին տեղակալ Վարդան Ջհանյանը հանդիպել է ֆերոմոլիբդենի արդյունաբերությամբ զբաղվող ընկերությունների ներկայացուցիչների հետ։ Հանդիպման ընթացքում քննարկվել են ֆերոմոլիբդենի՝ ԵՄ երկրներ առաքելու համար պահանջվող ներմուծման հարկի առաջացրած խնդիրները․ Եվրամիությունը 2,7 տոկոս հարկ է սահմանել իր տարածք ներմուծվող ֆերոմոլիբդենի համար։
«Քանի որ ֆերոմոլիբդենի մեծ մասը գնում է Եվրոպա, պահանջվող հարկի պատճառով արդյունաբերողները չեն կարողանում մրցունակ գնով վաճառել այն ԵՄ-ին։ Դրանով պայմանավորված՝ ոչ մրցունակ գին է առաջարկվում նաև ԶՊՄԿ-ին, որն, իր հերթին, ստիպված նվազեցնում կամ դադարեցնում է մոլիբդենի վաճառքը ֆերոմոլիբդեն արտադրողներին»,- ասաց Վարդան Ջհանայանը՝ նշելով, որ, եթե չլիներ այդ հարկը, իրենց կառաջարկվեր մրցունակ արժեք, և կոմբինատը կարող էր վաճառել շատ ավելի մեծ ծավալի խտանյութ, որի պահանջարկը չափազանց մեծ է աշխարհում։
Ֆերոմոլիբդենային ընկերությունների անդամները ներկայացրին, որ Եվրամիությունը տարիներ շարունակ արտոնյալ կարգավիճակ է տվել Հայաստանին՝ չպահանջելով ներմուծման հարկ։ Մեկ-երկու տարի է, սակայն, որ ԵՄ-ն սկսել է պարտադրել այդ հարկը, որը զգալի ազդում է գնագոյացման վրա և ոչ մրցունակ դարձնում գնառաջարկը՝ թանկացնելով գները։
Վարդան Ջհանյանն ասաց, որ խնդիրը բարձրաձայնել է նաև Հայաստանի և Եվրամիության միջև կնքված համապարփակ և ընդլայնված գործընկերության համաձայնագրի՝ CEPA-ի, շրջանակում կայացած հանդիպմանը։ Խոստացել են անդրադառնալ խնդրին, երբ ՀՀ-ն դիմի, քանի որ տնտեսական գործակցության պայմանագիրը պետական մակարդակով է կնքված։
«Հայաստանի հանքարդյունաբերության և մետալուրգիայի ասոցիացիան գործակցության հուշագիր ունի կնքած էկոնոմիկայի նախարարության հետ Mining Armenia Forum-ի ընթացքում։ Այդ շրջանակում մենք կարող ենք համապատասխան նամակ ուղարկել նախարարություն՝ խնդրելով ներկայացնել այն Եվրամիությանը և առաջարկել լուծման ուղիներ»,- ասաց Ջհանյանը։
Կազմակերպությունների ներկայացուցիչները որոշեցին ասոցիացիայի հետ համատեղ աշխատելով պատրաստել գրություն, ուր մանրամասն կներկայացվեն ԵՄ ներմուծման հարկի առաջացրած խնդրահարույց հետևանքները։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն