Նախագահը չվճարեց «փրկագինն» ու մնաց կալանքի տակ․ քաղաքագետ
Քաղաքագետ Ռոբերտ Մարկարյանը իր ֆեյսբուքյան էջում գրել է․
«Նախագահ Ռոբերտ Քոչարյանին կալանքի տակ պահելու դատավոր Աննա Դանիբեկյանի ընդունած որոշումն ինձ համար անակնկալ չէր: Եվ դա ոչ թե այն պատճառով, որ նույնիսկ խափանման միջոցը փոխվելու դեպքում, մեկ է, որոշ ժամանակ անց մի այլ դատավոր կրկին կալանք կիրառելու որոշում էր ընդունելու, ինչպես դա արդեն երկու անգամ տեղի է ունեցել: Ես այդ հարցում գրեթե համոզված էի՝ նկատի առնելով այն փաստը, որ երկրորդ նախագահը, նաեւ նրան աջակցող ԶԼՄ-ներն ու շրջանակները պատրաստ չեղան վճարել խափանման միջոցը փոխելու համար պահանջված «փրկագինը»:
Կարծում եմ՝ բոլորը հիշում են ընդամենը մեկ ամիս առաջ՝ ապրիլի 7-ին, առաջին նախագահ Լեւոն Տեր-Պետրոսյանի հոդվածում իշխանությունների կողմից դիպուկ կերպով երկրորդ եւ երրորդ նախագահներին առաջարկված գործարքը՝ «կարգադրել իրենց վերահսկողության տակ գտնվող լրատվամիջոցներին անմիջապես դադարեցնել իշխանությունների դեմ ծավալած կատաղի պայքարը»: Նման գործարքի առաջարկությունը բնորոշ է այսօր Հայաստանի վարչապետի պաշտոնը զբաղեցնող Նիկոլ Փաշինյանի աշխատանքային ոճին ու տարիների ընթացքում դարձել է նրա խառնվածքի բաղադրիչ տարրը:
Ինչպես կարելի էր գուշակել, առաջարկված գործարքը մերժվեց, ու այսօր ունենք այն, ինչ կարելի էր սպասել:
Առողջ դատողություն ունեցող որեւէ անձ այլեւս չի կարող կասկածել, որ նախագահ Ռոբերտ Քոչարյանը ոչ թե մեղադրյալ, այլ իշխանությունների ձեռքում «քաղաքական պատանդ» է՝ լռեցնելու համար ներկա իշխանությունների ապաշնորհությունը մերկացնող լրատվամիջոցներին ու նաեւ կանխելու ներքաղաքական կյանքի թեժացումը: Դա է հաստատում նաեւ «Մարտի 1»-ի գործով այսպես կոչված տուժող կողմի փաստաբանական խմբի ոչ պաշտոնական խոսափողը հանդիսացող «Առաջին լրատվական»-ի չափազանց անկեղծ խորագիրը՝ «Ռոբերտ Քոչարյանը զգաց ներքաղաքական թեժացման հետեւանքը»:
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
74.5% անկում. Հայկական գյուղմթերքի արտահանման ճգնաժամի համակարգային պատճառները․ Տիգրան Դումիկյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...